الاثنين، يوليو 28، 2008

لا مش صدفة!!

مش صدفة غريبة ان بعد ما هي قالت لي: "خلي بالك من الناس الوحشة"، ألاقي دي بتتصل بيا بعد كل الغيبة دي؟
لا مش صدفة طبعا، دا اللي بيسموه ترتيب القدر. بالتالي كان لازم أتوقع من الأول إن هي دي الناس الوحشة.
أشكرك على تنبيهك ليا مرة تانية

هناك 3 تعليقات:

  1. عشان اتسألت كذا مرة :)
    هي فعلا مش صدفة ليه؟
    لأن احنا كنا بنتكلم عادي جدا في موضوع عبيط، وفجأة لقيتها بتقولي "خلي بالك من الناس الوحشة"، كدا وبدون مناسبة.
    سألتها: "اشمعنى؟"
    قالت لي: "والله ما أعرف، هي جت كدا. اختك وبتقولك حاجة!"
    بعدها بـ 40 ثانية جالي التليفون من الناس الوحشة.
    وجالى كمان تليفون تاني يوم من ناس وحشة تانية !!!!!

    فكرو انتو بقى!

    ردحذف
  2. ههههههههههههههههه ايه السرعة دى حسيت من كلامك ان الناس الوحشة دى زى ما يكون مستنية انها تقولك كدا عشان تتصل بيك وايه غرابة الموقف دى اتنين ناس وحشين فى يومين ورا بعض اكيد فعلا ربنا خلى الناس دى تتصل بيك بعد المقولة دى عشان تعرف مين الناس الوحشة وخصوصا زى ما بتقول انه كان موضوع عبيط وفجأة لقيتها بتقولك خلى بالك من الناس الوحشة يعنى اكيد دا ترتيب قدرى.
    وبالنسبة للترتيبات القدرية دى بتحصل لناس كتير زى ما يكون علامات من عند ربنا بتظهر للناس عشان يعرفوا يتصرفوا ازاى.

    سلاموز بالموز

    ردحذف
  3. أديكي قلتي بنفسك
    "عشان يعرفوا يتصرفوا ازاى"
    يعني لازم الواحد يفهم العلامات اللي بتظهر في حياته. ركزو كويس والله يا جماعة

    ردحذف

فضلا اترك تعليقك أو أكتب طلبك هنا، مع الحفاظ على أدب الحوار، واكتب اسمك من فضلك....