الأحد، أغسطس 31، 2008

۩ 7allo0 Ya 7allo0o ۩ RaMdan Karim ۩ ya 7allo0o ۩

كل سنة وانتم كلكم طيبين
خلاص بكرة رمضان
دا رمضان: يعني مش عاوزين وجع دماغ ولا وش مني
شوفوا بس الموضوع التحفة دا

۩ 7allo0 Ya 7allo0o ۩ RaMdan Karim ۩ ya 7allo0o ۩
رمضان جانا وفرحنا به في مصر
۩ حاللو يا حاللو ۩ رمضان كريم ۩ يا حاللو ۩


Read more - باقي الموضوع

الثلاثاء، أغسطس 26، 2008

الرئيس يأمر بالتحقيق في إخفاق مصر في بكين

الرئيس يأمر بالتحقيق في أسباب إخفاق منتخب مصر في بكين. تفتكر ايه السبب؟
  1. مؤامرة صهيونية بنشر المخدرات بين أعضاء المنتخب
  2. انشغال أعضاء المنتخب بشراء كميات كبيرة من الخبز للعودة به للأهل والاحباب
  3. المنتخب محسود ومعمول له عمل مدفون تحت أنقاض مجلس الشورى
  4. من امتى أصلا واحنا عارفين ان لينا منتخب كان بيجيب دهب في الأولمبياد
  5. هو الريس مش لاقي حاجة يهتم بيها غير دا؟ مفيش بلاوي تانية في البلد
علم على اختياراتك اللي شايفها صح من هنا
واللي هيقول نفس الرأي اللي هتطلع بيه اللجنة، هيكسب معانا عربية بتنجاني موديل 2007

Read more - باقي الموضوع

الثلاثاء، أغسطس 19، 2008

تحياتي لفريق وسط البلد

أنا حبيت الفريق دا أكتر من الأول
هي عارفة ليه

Read more - باقي الموضوع

الأحد، أغسطس 17، 2008

لقطات من اليوم


والله أمنية عندها حق تستغرب. إيه النشاط دا كله؟ كل دي بوستات في فترة صغيرة؟ عادي... أنا قلت قبل كدا إني بكتب لما أحب أكتب!

لقطة 1:
بقالي فترة كبيرة دايما فاتح الماسنجر بتاع الياهو اونلاين حوالي 18 ساعة يوميا او أقل شوية.
النهاردة أول مرة أفتحه وادوس Ctrl+H ، واللي مش خبير ف الياهو أقوله إن دي تخلي الياهو يظهر الناس الاونلاين بس ويخفي الاوفلاين، وأنا عاملها من زمان أوي. النهاردة بقى رجعتها تاني وظهرت كل الناس اللي عندي؛ بصراحة لقيت في ناس كان المفروض أمسحهم من زمان وسايبهم... جزم جزم يعني. مش موضوعنا. بصيت بقى لقيت عندي ناس كتير.
أغلبهم كان بيضيفني يسألني عن حاجة ف الموقع مثلا وخلاص على كدا. أمسح دول كمان؟ مش عارف

لقطة 2:
بسمع أغاني شعبي! عادي ما هو الواحد لازم يجدد شوية. حتى لو هيسمع كلام هابط. بصراحة ساعات بتعجبني الموسيقى. كله تجديد

لقطة 3:
كنت بسمع أغنية In the end بتاعة Linkin Park - الفريق اللي سمعت له في فترة كنت محتاج فيها كلامهم دا - لما سمعت:
Time is a valuable thing
Watch it fly by as the pendulum swings
Watch it count down to the end of the day
The clock ticks life away
It’s so unreal
حلوين الكلمتين دول - المهم مين يسمع ومين يتعلم؟

لقطة 4:
كنا بنتكلم لما قلت لها:
"......، إحنا بس بنحب نصعب على نفسنا
نعيط ونقول شوفو الدنيا بتعمل فينا إيه؟
قال يعني بقى مفيش حاجة معملنهاش
لكن إحنا اللي عاوزين نستسلم
ومش عاوزين نحارب"
لسه الأغاني ممكنة على رأي أبو دنيا - مع إني عرفته عن طريق حد ........... مش موضوعنا دا أصلا.

لقطة 5:
محمد - دا مدير المشاريع - قالي حلو كليب حكيم الجديد، ابقى شوفه
لكن انا بدل ما أشوف الكليب سمعت الكلام!!
"كرهتك أيوة ونسيتك، ونفعت فيا تربيتك!
وكل حاجة بنيتها حالف أهدها!
ههدك زي ما بنيتك"
يانهار أبيض على الكلام دا. هو الواحد ناقص حد يسخنه؟
الواحد لو انتقم فعلا من كل واحد خانه لن يبقى خونة على وجه البسيطة؟ يمكن!

لقطة 6: باقي للقطة 5
حصلت عندي مشكلة ف الهارد، واضطريت إني ألجأ لحل غالي لاستعادة البيانات المحذوفة
ويالهول ما رأيت
حاجات انا كنت مسحتها زمان، رجعت تاني وبقت تحت إيدي
دا اسمه القدر؟ يعني انا المفروض أفكر انا ممكن أعمل إيه بحاجة زي كدا؟ لسه مقررتش بس مش همسحها دلوقتي

لقطة 7:
اسمعو معايا أغنية "الحياة لو.." من فيلم "جنينة الأسماك" بتاعة "الفرسان العرب" أو Arabian Nightz
el7ayah_law.mp3el7ayah_law.mp3

لقطة 8:
قريت النهاردة كتير أوي حاجات من بتاعة حنين
دا مش كلام عادي. اقروه بنفسكو

Read more - باقي الموضوع

السبت، أغسطس 16، 2008

Back to strike - عدنا وبقوة



شهر كتابة الرواية العالمي
مسابقة تبدأ في 1 نوفمبر من كل عام، هدفها كتابة 50.000 كلمة (ما يوازي 175 صفحة) حتى منتصف ليل 30 نوفمبر
كيف أفوز؟
كل من ينهي روايته قبل الميعاد يصبح فائزًا، و يحصل على شهادة بذلك. لا يوجد أفضل أو أسرع رواية
هل يمكن الكتابة بلغة أجنبية؟
نعم - كالعربية مثلاً
مفلس؟! بس نفسك تشوف كتابك مطبوع كدا بين ايديك؟ معندكش فلوس تدفعها للناشر عشان يرضى ينشر لك؟ ومش قادر أصلا تقنع ناشر انه ينشر لك؟
احنا هنا عشان نساعدك.. نسندك.. ندفعك.. ونلهمك. وكمان هننشرهالك ;)

عاوز تفهم أكتر؟ كل حاجة هنا:
Back to strike - عدنا وبقوة
موقع نانوريمو في القاهرة - NaNoWriMo in Cairo
NaNoWriMo for Arab Users - نانوريمو بالعربي
Egypt Region Forum - منتدي مصر في نانوريمو
Publish for free, انشر كتابك مجانا
NaNoWriMo/نانوريمو on/ع الـ Facebook

Read more - باقي الموضوع

واحد مش تايه ياولاد الحلال

إزيكم يا جماعة؟ أنا عاوز اعرف مين صاحب الصور دي ضروري؟
ومعلش يا أستاذ - صاحب الصورة - إني كتبت كدا على صورتك، بس أنا خفت حد ياخدها ويستغلها كدا ولا كدا.
ياريت بقى اللي يعرف صاحب الصورة دا يكلمني، أو صاحب الصورة نفسه
طبعا رقمي مرمي ف كل حتة ع النت - عامة هو 0103065818
وممكن تسيب تعليق بس من غير استخفاف بالموضوع
ثانيا هو مش موضوع مؤذي والله يعني مش في قلق انا بس عاوز اعرف هو مين
الصور هتظهر لما تدوس كلمة باقي الموضوع - Read more
ولو حبيت تكبر أي صورة لحجمها الحقيقي دوس عليها مش اكتر









مستني تليفونات بقى بالهبل !!!!

Read more - باقي الموضوع

Nnew Blogger.com dashboard

هو أنا مش فاكر أنا كنت داخل أصلا أكتب ايه؟!!!
بس لما شفت الداش بورد/لوحة التحكم الجديدة بتاعة بلوجر قلت لازم أوريهالكو
Blogger has a new dashboard!!

Read more - باقي الموضوع

السبت، أغسطس 09، 2008

ازاي تعمل باسوورد لملف

أنا كنت نسيت مؤخرا إن المدونة دي أصلا مفتوحة عشان الكمبيوتر...
المهم أنا هقدم شوية دروس صغيرة للكمبيوتر هنا
كنت عاملها زمان على شكل صور، وحبيت إن الكل يستفيد منها
وعشان مش كل شوية أقعد أبعت الصور دي ليها، قلت يا واد حطها هنا أحسن :P
دلوقتي لو انت عندك صور شخصية أو أو أي حاجة شخصية على الكمبيوتر ومش عاوز يفتحها غيرك؟
أبسط حل انك تضغطها في ملف وينرار وتعمله كلمة سر!!!!
أولا لازم لك برنامج وينرار WinRAR
هتلاقيه في أي حتة على النت أو من موقع www.rarlab.com
خلينا مع الصور بقى بعد تسطيب البرنامج





Read more - باقي الموضوع

الجمعة، أغسطس 08، 2008

سافرت.........

النهاردة سافرت أختى الكبيرة.....
ادعو معايا انها ترجع بالسلامة.
أنا مش عارف إزاي هقعد أسبوعين مشوفهاش؟؟
هي تليفونات وبس :(
ربنا يرجعلك بالسلامة.

Read more - باقي الموضوع

الأحد، أغسطس 03، 2008

شلالات أوزود في أزيلال - المغرب


قام صديق أعرفه اسمه مهدي برحلة إلى شلالات أوزود في أزيلال بالمغرب.
والتقط هناك مجموعة من أروع الصور
الصور أضعها بين أيديكم، مع نبذة صغيرة عن المدينة..

تقع مدينة أزيلال الصغيرة، بين إقليمي بني ملال ومراكش، في الأطلس الأعلى. وتتبع إداريا إقليم بني ملال، جنوب غرب العاصمة المغربية الرباط. وهي بحكم موقعها في سلسلة جبال الأطلس، محاطة بسلاسل جبلية وهضاب. وبين هذه الجبال انفجرت عيون وانهار ووديان، تضفي على المدينة هالة من الجمال والشموخ، وأسبابا إضافية للعزلة التي تعودتها المدينة منذ سنين بعيدة.

أما شلالات أوزود فهي شمسية من الخضرة تظلل الأطلس المغربي
وتصنف "أوزود" كمصطاف بمواصفات طبيعية هائلة وشهرة عالمية، حيث انه لا تكاد تخلو المطويات والكتيبات التعريفية الخاصة بالمغرب السياحي من ذكره وتقديمه للعالم، وهو يقع بتراب إقليم أزيلال
وتتميز منطقة أوزود بمناخ صحي وثروات نباتية وحيوانية جد متنوعة، وتبلغ متعة العين والاستجمام أقصاها حينما يتتبع الزائر حركات ومنظر القردة وهي تتقافز عبر الأشجار والمساحات الخضراء.
وتوجد في أسفل الشلال بحيرتان، توفران للمصطافين متعة السباحة لمن يهوى العوم، أو هامشاً للتأمل في جمال طبيعة لم تصلها، بعد، معاول الحفر ولا برودة الإسمنت وخرائط المهندسين المعماريين.
وهناك من يرجع تسمية أوزود إلى أصول أمازيغية، تعني إحداها "الدقيق الذي يخرج من المطحنة"، فيما يحيل أصل آخر على كلمة "أوزو"، التي تعني أشجار الزيتون. وفي أوزود، وإضافة إلى الماء والخضرة، لا يفوت الزوار فرصة زيارة المطاحن التقليدية التي تعتمد في طحن حبوبها على الطاقة المائية التي توفرها مياه الشلالات.

لمزيد من المعلومات عن هذين المكانين الرائعين، من فضلك راجع الصفحات التالية:
البراق
الشرق الأوسط

أترككم مع الصور الرائعة - وأشكره وأشكر زميلتي التي أرسلتها
























Read more - باقي الموضوع