لا للإنترنت المحدود

سمعتو الخبر الجديد؟

قال إيه هيرخصوا الإنترنت. قلنا كويس الواحد كده ممكن يجيب خطين بدل خط واحد. بس اتفاجأنا بقى انهم هيغلوه أوي حوالى عشر أضعاف كامن والناس العبيطة بتصدق لسه إنهم رخصوه. عايزين يعملوا مصالح على حساب الناس اللي مش فاهمة حاجة. خليكو معايا واحدة واحدة

http://www.mcit.gov.eg/ar/PressreleaseDetailes.aspx?id=gsraipTJ3a8=

http://www.mcit.gov.eg/ar/PressreleaseDetailes.aspx?id=2reLnoWJlHM=

من موقع الحكومة بيقولو إنهم هيرخصوا السرعة 256 لـ 45 جنيه ف الشهر . وشوفوا الإن بقى: حجم الداونلود بعد كده هبيقى 2 جيجا بس ف الشهر. إذا كنت انا بنزل يوميا 2 أو 3 جيجا. يا كده يا إما هيعملوه 60 ساعة بس ف الشهر يعني ساعتين كل يوم يا غلبان. برضه لحد دلوقتي مفيش مشاكل هما عايزين الغلابة يدخلو نت. المصيبة بقى إنهم هيلغو كل الخطط القديمة وهيجبروا كل المستخدمين إنهم يمشو ع النظام الجديد. وهيحاسبوك على الجيجا الزيادة بـ 8 أو 10 جنيه. يعني حضرتي هدفع شهريا بعد كده 600 جنيه أشتراك. حاجة حلوة والله

وقد قامت وزارة الاتصالات وتكنولوجيا المعلومات والجهاز القومي لتنظيم الاتصالات
بالاشتراك مع الشركة المصرية للاتصالات وشركات تقديم الخدمة في تحديد الإطار الجديد
للخدمة بعد دراسة وضع السوق الحالي والأسعار الحالية مع الاسترشاد بإحصائيات عن
أعداد المستخدمين وحجم استخدامهم للخدمة بالسرعات المختلفة

مش فاهم أنا إحصائيات إيه وهباب إيه اللي هما عملوها دي. وكمان بيقولوا أن ده هيزود عدد المستخدمين ف مصر. بالعكس، انا واحد ومعايا ناس كتير مش هنقبل بده وهنشترك مع بتوع الوصلات غير الشرعية اللي هي هتفضل سعرها ثابت (2 ميجا) عشان أفضل براحتى. يعني هما هيسيبو السرعة الـ 2 ميجا ثابتة مش هتغلى عشان خاطر اللي جايب وصلة صغيرة وموزع منها يجيب بقى وصلة عالية عشان يعرف يوزع منها براحته. هما مش عايزين الناس توزع من الخطوط بتاعتها فقالك بدل ما نراقب عدد الأجهزة ع الشبكة مثلا. لا إحنا مش هنخليهم يعرفو يدخلو ع النت أصلا عشان نضمن إنهم مش هيوزعوا منها. حاجة تقرف خالص

الأسعار دي هتمشي من أول سبتمبر الجاي 2007. الحقوا بقى الغوا اشتراكتو وهاتوا وصلات غير قانونية لإني ناوي اعمل كده

سيادة الجهاز القومي للإتصالات شايف إن احتياجات الأسرة المصرية مش هتزيد عن 2 جيجا كل شهر. تخيلو أسرة فيها واحد بيسمع أغاني اونلاين ومش بينزلها. وأخوه بينزل برامج مجانية (مفتوحة المصدر) عشان ميقولكش البرامج دي مسروقة. وواحد بيدخل يقرا جرايد كل يوم. الاتنين زفت دول هيكفوا إيه ولا إيه؟؟؟؟

الخبر منشور هنا:

المصري اليوم - تخفيض أسعار الإنترنت ٥٠% من أول سبتمبر المقبل

في البلد - 60 ساعة بس للإنترنت شهريا

لا وهنا السيد عمرو بدوي، بيقول إن متوسط الإستهلاك لكل منزل على مستوى العالم لا يزيد عن 2 جيجا بايت شهريا. هما بيستعبطونا ولا إيه؟ الناس هناك عندها سرعة بتوصل لـ 10 ميجا ف الثانية أساسا. يبقى بيهببوا بيها إيه؟ سيادته بيقول إن الزيادة بتحصل لما الناس تحمل أفلام أو موسيقى مما يستوجب دفع مقابل عنها. يعني سيادته عايز يحصل إتاوة عن حاجات موجودة أصلا مجانا ع النت وبصورة قانونية زي البرامج مفتوحة المصدر وكل محتويات موقع أرشيف.أورج مثلا. أهم حاجة بقى إنهم هيخلو الاتنين ميجا زي ما هي قال إيه عشان دي بتاعة شركات. بلا نيلة إذا كان كل اللي بيوزعوا وصلات نت مش جايبين غير السرعة دي أصلا يعني سوقهم هيمشي جدا. مبروك ليهم. عندم إعتراض على الموضوع ده؟؟؟ مش عايزين توصلو للحالة المقرفة دي؟؟؟ عندكم مواقع تجميع توقيعات ومتخافوش امن الدولة مش هيطاردكوا. دي مجرد توقيعات عشان النت ميغلاش

Back to the old ADSL paying system

لا لنظام الدون لود المحدد

عامة أنا بعت الإيميل ده:

برجاء عدم أجبار جميع المستخدمين للانترنت في مصر على إتباع الخطة الجديدة التي وضعتموها ولذلك لأانها ستحولنا من تصفح الويب وتنزيل البرامج وإرتياد المواقع التعلمية والتي تتطلب سعة تحميل عالية إلى مجرد مستخدمين لبرامج الشات خوفا حتى من التوجه لمواقع الدردشة حتى لا تضيع المساحة المحددة للتحميل شهريا. إذا كانت الخطة حقا موجهة من اجل إشتراك عدد أكبر من المستخدمين. قلا تجبرون جميع المستخدمين عليها واتركوا لنا الخيار مفتوحا.قرراكم هذا فيه مصلحة شخصية لمن يسموا بكبار موئسسي تلك الشبكات غير القانونية حيث انهم سيتجهون للانترنت بسرعه 2 ميجا وستزيد نسبة توزيعهم وشبكاتهم وسيضعون سعرا أرخص بالفعل من 45 جنيه.انا عن نفسي أقوم بتحميل الكثير من الأدوات والبرامج الحرة والكتب عبر الشبكة وهو أمر قانوني مائة ف المائة. وقراركم هذا سيجعل سعر نظام تشغيل مجاني غير متاح إلا عبر الإنترنت حجمه 7000 ميجا يصل إلى 70 جنيه لكل نسخة. برجاء سرعة إتخاذ قرار في هذا الشأن بترك الخطة القديمة كما هي وترك الخيار للمستخدم وهذا سيحقق الفائدة المرجوة. وللعلم فإن كل أصحاب الوصلات غير الرسمية الآن يستعملون الخطة التي تنوون تركها كما هي وهي 2 ميجابايت

للناس دي:

eltahrir@eltahrir.net <eltahrir@eltahrir.net>; akhbarelyom@akhbarelyom.org <akhbarelyom@akhbarelyom.org>; ahram@ahram.org.eg <ahram@ahram.org.eg>; ait@ahram.org.eg <ait@ahram.org.eg>; baridelgomaa@ahram.org.eg <baridelgomaa@ahram.org.eg>; al3ashera@dreams.tv <al3ashera@dreams.tv>; a_ragab@akhbarelyom.org <a_ragab@akhbarelyom.org>; 90min@elmehwar.tv <90min@elmehwar.tv>; info@tra.gov.eg <info@tra.gov.eg>; questions@cabinet.gov.eg <questions@cabinet.gov.eg>

شوفوا الصور دي: