تايلور اللي كنت قابلتها قبل كده أيام نانوريمو، تعرضت لموقف ظريف فعلا حكته ليا لما كنا في كوفي بين أند تي ليف. الكامير بتاعتها كانت ضاعت و اشترت واحدة جديدة
راحت استوديو قريب منها بتاعها في شارع محمد فريد عشان تطلع الصور. البنت اللي قاعدة على الحسابات سألتها عن اسمها عشان تملى بيانات الاستمارة ردت عليها: "تايلور برو - تي ايه واي" الست سألتها "أجنبية؟" ردت عليها "أيوه أنا أجنبية" قامت كتبت البيانات في الورقة و كملت باقي الاستمارة. الغريب بقى انها مسألتهاش عن باقي الإسم !! بعدين بتبص على الايصال من فوق لقت الإسم مكتوب بالعربي. حاولت تجمع الحروف - هي تعرف حبة عربي - لقت ان اسمها بالعربي (أجنبية) !! قلتلها يمكن انت الزبونة الوحيدة الأجنبية اللي تروحلهم و مفيش تعليمات ف الكتاب عن التعامل مع الاجانب. ضحكت طبعا و قالت :يمكن كده أحسن من أنهم يلخبطوا حروف اسمي
طبعا الموضوع غريب جدا !! تخيل ان واحدة يبقى اسمها أجنبية ولا كأن ليها اسم زي باقي البني آدمين. عادي بقى
السياحة خير لينا كلنا - هههههههههههههههههه
الموضوع هي كتبته هنا في مدونتها
اولا شكرا على زيارتك للمدونه
ردحذفو انا بذاكر عشان اجاوب على الاسئله قريبا
ثانيا مش ممكن الموظفه خافت تكتب الاسم و متعرفش تقراه بهد كده لما تيجى تستلم او تتلخبط فى الوصل
بس الصراحه دا الوجه المشرق لمصر
البت ما سكتتش اتصرفت برده
كتبت اجنبيه ههههههههههههه
على فكره انا لعبت لعبة المدونين بناءا على طلب الجماهير
ردحذفههههههههههههههههههههههههههههههههه
love4me: عمار يا مصر
ردحذفsendrlla: أخيرا دخلتيها أنا رايح حالا أتفرج ع الاجابات