الموضوع قرأته عند سعد الحربي هنــــــــا و قررت أني أرد على الأسئلة أنا كمان، هو أنا مش مدون برضه؟؟
هل انت راضى عن المدونة شكلا وموضوعأ؟
شكلاً ممكن لكن موضوعًا ديه بقى المشكلة لأني لسه فيه حاجات كتير نفسي أكتبها لكن مش هينفع لأسباب أمنية...هههههه
الشكل أنا راضي عنه بس عشان أنا تعبت فيه، و أضفت و حذفت الكثير من الشكل الأصلى و لم يتبق سوى الطابع المميز لسلطة الكرنب على رأي سندريللا
هل تعلم أسرتك الصغيرة بأمر مدونتك؟
نعم، كلهم و أخي يداوم على فتح الصفحة الاولى ليرى ايه الهباب اللي انا بعمله
هل تجد حرجا فى أن تخبر صديقاً عن مدونتك؟ هل تعتبرها أمرا خاصا بك؟
لا على الإطلاق، انا عامل الموقع هو شعاري فى برامج المحادثة و إن كنت ندمت على ذلك مرة واحدة فقط، لأن هناك موضوعًا لن أستطيع الكتابة فيه حاليا بسبب إخباري لبطل الموضوع عن هذا الموقع
هل تسببت المدونات بتغير ايجابى لافكارك؟ اعطنى مثال فى حالة الاجابة بنعم؟
يمكن، هوه بصراحة مش أوي لأن أغلب المواضيع بتكون على مزاجي أصلا
هل تكتفى بفتح صفحات من يعقبون بردود فى مدونتك ام تسعى لاكتشاف المزيد؟
بأزور مواقعهم، و كل فترة أفتح موقع جوجل و أكتب كلمة مدونة و أقعد أتفرج
ماذا يعنى لك عداد الزوار.. هل تهتم بوضعه فى مدونتك؟
نعم يهمني، عشان بس أتأكد إن مش أنا بس الللي بقرأ المدونة
هل حاولت تخيل شكل اصدقائك المدونين؟
حاولت و فيه واحدة فيهم مغلباني بصراحة، مش عارف أتخيلها خالص، و خصوصا ان أنا وحش أصلا في رسم الأشخاص.
يمكن أغلب اللي بقراهم حاطين صورهم فالموضوع مش معضلة يعني، و فيه ناس أصحابي من قبل التدوين
هل تشعر ان مجتمع التدوين مجتمع منفصل عن العالم المحيط بك ام متفاعل مع احداثه؟
والله بحاول إني أكون على مستوى الأحداث - حلوة أوي الجملة ديه - و عامل تصنيف مخصوص للأخبار عشان الحاجات اللي بكتب عنها لما تحصل
هل يزعجك وجود نقد بمدونتك؟ ام تشعر انه ظاهرة صحية؟
أنا أعتقد ان لو حد حط نقد لاذع انا ممكن أحذفه لأن الأنا عندي عالية شوية، تخيل واحد ييجي يقولك موقعك زي سلطة الكرنب. لازم طبعا أقول اني بتقبل النقد البناء لو أنا في أنترفيو بجد. عموما انا بنبسط لما حد يمدح الموقع، ولولا الملامة أنا كنت حطيت مدح لنفسي على الموقع
هل تخاف من بعض المدونات السياسية وتتحاشاها؟
لا بالعكس و بترك تعليقات فيها كمان، و التعليقات ديه طبعا هتجيب الناس لموقعي اللي فيه بياناتي. أنا بحاول بس إني أخلى التعليقات خفيفة
هل صدمك اعتقال بعض المدونين؟
بصراحة اه و أشهرهم علاء طبعا
من هم أكثر المدونين الذين أثروا فيك؟ ولماذا؟
هل فكرت فى مصير مدونتك فى حال وفاتك؟
بفكر أسيب بيانات الدخول مع حد أعرفه، عشان لما أموت يحط شريطة سودا على الموقع، و بيتهيألى إن بلوجر مش بيحذف حد بسرعة. ده غير إن الإسم ظاهر كويس في محركات البحث فالموضوع هياخد وقت لحد ما ريدلر يختفي خالص
مَن مِن المدونين تشعر بأنه يشبهك؟
تقريبًا ولا حد، يمكن عشان أنا أساسا شغال عك في الموقع و محدش عمره هيعمل كده
آخر سؤال: تحب تسمع ايه؟ السؤال ده أنا لقيته عند ناس تانية في نفس اللعبة
لو أغنية واحدة تبقى breaking the habit-Linkin Park
لو السؤال مفتوح يبقى بحب... ولا خليه لمرة تانية عشان الموضوع ميوسعش
مدونين أمرر لهم هذه الأسئلة
عارف
ردحذفاسئله مهمه
و جذابه للاجابه عليها
شكرا على البوست و الاجابات
اديلك 9 من 10 عشان العين بس
شكرا ع الدرجة، مكنتش اعرف اني شاطر كده
ردحذفممكن تترجم لنا اللعبة ديه
ردحذفAre you satisfied with the look and the content of your blog?
ردحذفDo your little family know about it?
Are you embarrassed telling a friend about it? do you consider it private matter?
Did blogs improve your way of thinking? if yes give an example.
Is it enough for you to track your commenters? or you go further for more?
How do you see guest-counter? did you put it in your blog?
Have you tried tro imagine your blogging friends?
Do you think that bloggers community is apart from the world around? or interactive with it?
Are you bothered with people critiquing your blog? or you take it easy?
Do you feer political blogs? or avoid it?
Are you shocked with putting some bloggers in custody?
Who are the most effective bloggers for you? why?
Have you thought about your blog's destiny after your death?
Which blogger is most similar to you?
Last Q: what would you like to hear?
**P.S. tag this game to five of your friends**