الرئيس يأمر بالتحقيق في أسباب إخفاق منتخب مصر في بكين. تفتكر ايه السبب؟
واللي هيقول نفس الرأي اللي هتطلع بيه اللجنة، هيكسب معانا عربية بتنجاني موديل 2007
- مؤامرة صهيونية بنشر المخدرات بين أعضاء المنتخب
- انشغال أعضاء المنتخب بشراء كميات كبيرة من الخبز للعودة به للأهل والاحباب
- المنتخب محسود ومعمول له عمل مدفون تحت أنقاض مجلس الشورى
- من امتى أصلا واحنا عارفين ان لينا منتخب كان بيجيب دهب في الأولمبياد
- هو الريس مش لاقي حاجة يهتم بيها غير دا؟ مفيش بلاوي تانية في البلد
واللي هيقول نفس الرأي اللي هتطلع بيه اللجنة، هيكسب معانا عربية بتنجاني موديل 2007
والنبى كتير خيره يا راجل الريس شوف قلب الاب ازاى زعل على البعثة الاولمبية .... والنبى كان متوقع ايه متوقع الاولمبياد دا زى الاولمبياد بتاع العرب اللى بتاخده الدولة المستضيفة بالكوسة عشان هى صاحبة الارض.
ردحذفعارف يا محمد بخصوص الاولمبياد والزفة الاعلامية اللى كانت شغالة وهما رايحين انت عارف فى الباراولمبية بتاعة المعاقين تقريبا حسب اخر ما قريت ان الناس دى جابت تقريبا اربعة دهب واحتمال يكونوا جابوا اكتر من كدا حد فى الاعلام المصون بتاعنا جاب سيرتهم او اهتم ولو حتى جابوا بيبقى مجرد خبر صغير كأنهم جربة والجوايز بتاعتهم بتبقى كلام فاضى والفلوس اللى بتتصرف على اعدادهم بتبقى كلام فاضى.
بخصوص الاختيار فانا اخترت رقم خمسة
وع فكرة انت مش سيبت لخيالنا اننا نفكر ايه السبب:ح
سلاموز يا معلمى