الأحد، يونيو 01، 2008

حمل كتاب "عشان ماتنضربش على قفاك" كامل 231 صفحة

بأسلوب بسيط وبطريقة السؤال والجواب، كتب ضابط الشرطة السابق عمر عفيفى "عشان ماتنضربش على قفاك"!، فى سبيل توعية المواطنين بحقوقهم. ومالبث ان طرح المكتاب، الا وصادرته وزارة الداخلية. وبعد مطارادت امنية لعفيفى، قرر مغادرة البلادالى الولايات المتحدة.

www.RiddleR.co.nr

ازاي تتصرف في اي موقف ممكن يحصلك مع الشرطة في اي وقت واي مكان؟ وعشان محدش يلهف حقوقك لازم تعرفها الاول وتعرف ايه ليك وايه عليك والحق ميزعلش.
دي كانت الاسطر الاولى من كتاب عشان ما تنضربش على قفاك لضابط الشرطة السابق المقدم عمر عفيفي.
الكاتب بيقول ان الحق ميزعلش..لكن يبدو انه بيزعل وزارة الداخلية لانه قامت بمصادرة الكتاب من المكتبات. بعد اسابيع من نزوله الاسواق.. كأنها حاجة ابيحة ان الناس تعرف حقوقها !!
الكتاب كان قد تم نشر بضع صفحات منه على الانترنت حوالي 15 صفحة.. الى ان قام احدهم برفع الكتاب كامل على السكانر وهو حوالي 230 صفحة.
الكتاب فعلا مهم جدا.. ومكتوب باسلوب بسيط وسهل بدون الدخول في تفاصيل دستورية او قانونية.
شكرا للكاتب عمر عفيفي.. وشكرا لمن قام بتوفير النسخة الالكترونية للكتاب.
www.RiddleR.co.nr

أصدر ضابط شرطة سابق كتابا جديدا يشرح فيه للمواطن المصري حقوقه عندما يتعامل مع رجال الامن وكيف يمنعهم من اهانته والتعدي عليه.
ويقول المقدم عمر عفيفي إن خبرته وطول فترة عمله في الوزارة كانا دافعا له لإصدار كتاب في صيغة سؤال وجواب يشرح فيه للمواطن البسيط حقوقه وواجباته، ويعرفه بمصطلحات كثيرة يجهلها مثل الفرق بين التحري والكمين وإذن التفتيش، ومن يجوز له تفتيش سيارته أو زوجته تفتيشا ذاتيا وكيف يمكن أن يشكو ضابطا عذبه أو لفق له تهمة.
ويشير في كتابه والذي جاء تحت عنوان "عشان ما تنضربش علي قفاك" انه لم يكن راضيا عن الأوضاع داخل الوزارة والطريقة التي يعاملون بها المواطن، والضغوط التي يمارسها الرؤساء علي الضباط، فاستقال وعمل محاميا ومدربا في مجال حقوق الإنسان.
ويؤكد عمر أنه طوال فترة عمله في الوزارة لم يعذب مواطنا ولا صفعه أو أهانه، لأن قوة القانون أكبر من قبضة أمناء الشرطة.
ويضيف: يلجأ الضباط إلي هذه الأساليب بسبب ضعف إجراءاتهم القانونية وضغوط رؤسائهم والرغبة في الترقية، كما أنه كلما ازدادت المناطق فقرا ازدادت انتهاكات الضباط للمواطنين، حسبما ذكرت جريدة المصري اليوم.
عفيفي استغرق ثلاث سنوات في الإعداد لهذا الكتاب الذي يمثل تلخيصا لقوانين الإجراءات والعقوبات والشرطة والمرور والآداب، ويتمني أن يشتريه المواطن البسيط.
ويستطرد: عمل الشرطة قائم علي جهل الناس بالقانون، وهو جهل متعمد، لأن الوزارة لا تنظم حملات توعية سوي لتعريف المواطن بواجباته دون حقوقه، مما خلق نوعا من التوتر بين الشرطة والشعب، ويجب علي الوزير أن يطبع كتابي علي نفقة الوزارة ويوزعه بأسعار رمزية علي جميع فئات الشعب، وذلك لتعريفهم بحقوقهم قبل مطالبتهم بالواجبات.
كما يشار إلى أن عفيفي قد تدرج من العمل كضابط في مباحث المخدرات ومكافحة جرائم النشل والأمن المركزي والمرور، إلى أن أصبح مأمورا لسجن الإدارة العامة للمباحث.. في رحلة طويلة استغرقت 20 سنة من العمل في وزارة الداخلية، وانتهى الامر بالجل إلى تقديمه طلب إحالة إلي المعاش بسبب إصابة عمل.
www.RiddleR.co.nr


الكتاب: "عشان ماتنضربش على قفاك" والغلاف يمكن تحميلهم من هنا
حمل الكتاب نسخة كاملة 231 صفحة

هناك 7 تعليقات:

  1. السلام عليكم
    بص يا سى محمد انا اول ما قريت الكلام اللى انت كاتبه هنا لقيت نفسى هموت واحمل الكتاب دا عندى لسه بسال اخويا عنه (اصل اخويا هو الخبير الالكترونى هنا فى التحميل وكله)
    قالى يابنتى دا متقلح على الديسك توب
    -يا خراشى موجود عندى وانا مش عارفه-
    روحت قعدت اقرا فيه بقى وصلت لحد الصفحة 30 ولقيت عينى احولت ومش قادرة اكمل


    الله لا يسامحهم اللى شالوه من السوق

    بس هو فعلا كتاب مفيد ويهم اى حد مش عاوز ينضرب على قفاه

    اه يا قفااااااايا

    سلاموووووز

    ردحذف
  2. هو مفيد لو مكانش اتشال من السوق
    قولي لي ليه؟
    لانه لو كان فضل من السوق فدا معناه ان الحكومة موافقة عليه ومش هتسيب الناس تنضرب
    لكن بما ان الحكومة شالته، فيبقى هي عاوزة الناس تنضرب وهما أكيد شايفين ان المواد اللي فيه تهديد للأمن العام... قصدي تهديد لسلطة الظباط.

    يعني لا مؤاخذة كدا برضه هننضرب لحد ما حد يطالب بمواد الكتاب دا يتوافق عليها من مجلس الشعب. مع انه موجود في الدستور بس زي ام انتو عارفين الدستور مش كل حاجة بدليل ان لما هاني رمزي حب يبيع نصيبه في مصر معرفش!!!

    ردحذف
  3. أزال أحد مشرفي المدونة هذا التعليق.

    ردحذف
  4. الكتاب رائع فعلا
    وانا قريته بس للأسف محدش بيعمل حاجة
    الناس بتدخل كلية شرطة ويقولو علشان محدش يقدر يكلمنى
    ومفيش رقابة فعلا
    وللاسف الشديد
    الحكومة مابتنفذش قرارات المحاكم و مش مهم الدستور
    طب احنا نعمل ايه
    ......

    ردحذف
  5. ما هو الصراحة اللي مالوش ضهر في البلد دي.... يبقى مالوش خير في مصر

    ردحذف
  6. how to download teh book

    ردحذف
  7. عن نفسي عند الضغط على رابط الملف وجده على تطبيق خاص ببريد هوت ميل .. وحملته .. يعني لازم يكون عندك بريد هوت ميل .

    ردحذف

فضلا اترك تعليقك أو أكتب طلبك هنا، مع الحفاظ على أدب الحوار، واكتب اسمك من فضلك....