ماما بترنلي من تليفونها الساعة 3 الفجر عشان كانت عاوزاني
بدل ما تنده قالت ترن، الموبيل كتبلها الرقم خطأ!!!!!!!
أوك ندهتلي وقالتلي ايه ده انت وقفت خطك؟؟ قلت لها لأ
قالتلي رقمك بيتكتب انه خطأ
قلتلها انت أكيد مسجلاه عندك غلط
طبعا بتريق لان ماما حافظاه أساسا
المهم بجرب انا قاللي نفس الرسالة من موبيل أختى بس بالانجليزي
number not in use
جربت من موبيل جوز اختى
number not in use
من موبيل احمد اخويا، ده Nokia N80
برضه number not in use
كويس خطي اتوقف وانا قاعد كده ف مكاني حاجة حلوة أوي
بجرب اعمل مكالمات من عندي بيتصل عادي
حاجة احلى طبعا
الخط ماتوقفش ولا حاجة وانا ظلمت الشركة هما خلو الخط ارسال بس
يا ترى عليا فواتير متاخرة ؟
قلت اتصل بالشركة وحكيت له جرب يتصل من الخط اللي عنده بتاع الشركة اللي هو رقم خاص
بيتصل عادي
قاللي طيب حط الشريحة ف موبيل تاني واعمل ضبط الشبكة اليدوي
حاضر
عملت كده
ولا حاجة لسه الموبيل ارسال فقط
يا نهار أسود، مش هستقبل مكالمات خالص انا كده هولع فيهم
اتصلت تاني وقعدنا 14 دقيقة كاملة بشرح له المشكلة ويقول على حلول واقوله عملتها ومفيش حل نافع
الموقف كالتالي
بتصل بالرقم بتاعي اللي هو زفت 012 في جهاز nokia n93
من 4 موبيلات كلهم - يا بختهم - فودافون، كلهم بيقولو الرقم غلط
الموبيلات كالتالي nokia n80 و nokia 3220 و nokia 6131 و sony ericson بتاع فودافون
حلو يبقى فودافون منعت العملا بتوعها من الاتصال بـموبينيل يا إما موبينيل مش بتوصل أرقام فودافون بالعملا بتوعها
الغريبة ان بتاع خدمة العملا التاني رنلي من رقمه ورن فعلا عندي
يبقى كلامي صح لأن رقمه طبعا 012
طيب انا الوحيد الفقري ف معارفي الي معاه خط نيلة موبينيل ايه الحل ؟
كلهم فودافون
المهم انه قفل معايا بتاع خدمة العملا وقالي: قدمت شكوى بإسم حضرتك وهما هيتابعوا معاك
الموضوع بقاله 3 ساعات اهو ولا تابعو ولا نيلة
المفروض ف الحالات اللي زي دي أرفع قضية على شركة موبينيل اطالب فيها بتعويض عن الاضرار النفسية اللي لحقت بيا بسبب المشكلة دي، وعدم استقبال موبايلي لمكالمات ممكن اقول انها كانت مكالمة من مسابقة من سيربح المليون مثلا!!!
الفكرة ان احنا المفروض بقينا ف بلد محترمة والشركات والخدمات زبالة
والبهوات بتوع موبينيل - اللي هي الشركة المصرية لخدمات المحمول - وصاحبة شعار "المحمول في يد الجميع" عملوا قبل كده حركة واطية
واتوقفت خدمة الرسايل في كل موبيلات موبينيل في مصر كلها لمدة 5 ساعات كاملة ولا حتى قالو احم
المشكلة ان ساعتها أنا كان في حد معين بكلمه عن طريق الرسايل فقط وقتها، عشان أتفاجأ انه اخر 4 رسايل بيقول خطأ في إرسال الرسالة
مع ان شركة زي شركة لينك دوت نت الي هي بتاعة الـ ADSL
لما بيعملو تحديث لأي حاجة عندهم، وبيبقى في احتمال ضعيف ان النت يتقطع بيبعتوا قبلها بأسبوووووووووووووع!!!!!
دلوقتي احب اوجه شكري ليهم، ومحدش يقولوا ده الواجب مش أكتر لأن لو ده الواجب فعلا يبقى المفروض نحاكم شركة موبينيل
الله يخرب بيوتكم وميرسي على الخدمة الزبالة
يبقى هي فعلا بقت ام نبيل زي ما انا قلت قبل كده - على كل حال يمكن العيب فعلا من فودافون وهي منعت العملا بتوعها يتصلو من موبينيل
لما المشكلة تتحل ونعرف مين الغلطان، بنقى نعرف القضية
طلب واحد اخير انشرو المصيبة دي وخلو اللي ما يشتري يتفرج
عشان نعرفهم ان المستخدمين - اللي هما 10 مليون مشترك - مش مغفلين وليهم صوت
عشان اللي بيفكر يجيب موييل ينسى وجود الشركة المحترمة دي في عالم الاتصالات أصلا
وشكرا علي صبركم وصبري
بالمناسبة انا كنت بتريق على موضوع الفواتير المتاخر ده انا اصلا نظام الو بالثانية أو ألوهات بعدما حولت من نظام ألو السحري
كنت ناديت المرة اللي فاتت انهم يغيروا النشاط ويبيعوا فيشار يا إما خليهم ف النشاطات اللي قادرين عليها زي لينك
ما هي تبع ساويرس برضه
بفلوسي يا ساويرس ... كله بفلوسي والخدمة بتاعتكم زبالة
على العموم بالمناسبة السعيدة قمت بتصميم شعار جديد للشركة في حالة تغيير النشاط إلى بيع مناديل زي فلورا مثلا، وبيكسبو كويس والله يا نجيب متقلقش
الإسم التجاري الجديد لموبينيل ساعتها هو مناديل أو mandiil
يارب نعجب. حد عنده اقتراحات أخرى؟ ا تصميمات ابداعية أخرى؟
شكله طفولي جدا الإعلان البرتقاني ده !
ردحذفشكله مسخرة بيهم أصلا
لايق عليهم: واحد يقف بيهم في الإشارة ويقول مناديل مناديل موبينيييييييييل !