الجمعة، نوفمبر 24، 2006

Above cairo - فوق المقطم

أنا طلعت المقطم مع موودي (م.محمد حامد) و أصحابه. الموضوع بقاله كتير و كنا طالعين في عز السقعة - والله في الشتا - أصلهم صحاب مطرقعين شوية. و احنا رايحين هناك مكانوش عارفين نروح فين بالضبط؟ نطلع الاسكندرية ولا المقطم ولا حديقة أم كلثوم ف المنيل. و في الآخر رسينا على المقطم عشان الجو كان برد. أصله بيبقى سخن ف الشتا - أكيد انتوا عارفين
طلعنا لقينا كل اللي فوق عائلات بتشوي او أصحاب قاعدين يهيسوا فوق القاهرة كلها. الموضوع كان ليلة عيد الأضحى و الجو كان يهبل. كان معانا جوانتي (قفاز) واحد بس كنا قاعدين بنبدل فيه مع بعض. و محدش يلبس الفردتين مع بعض هي فردة واحدة كل مرة. م الآخر كانت قاعدة جنان و ديه صورة صورها ليه موودي فوق المقطم

و الأنوار اللي ورايا ديه طبعًا - أنوار القاهرة التي لا تنام

هناك تعليقان (2):

  1. واحد بيعير عن رأيةنوفمبر 26, 2006 2:54 ص

    ايه يا عم الحكايات الجامده دى ايه سوبر مان طالع المقطم فى الشتا

    ردحذف
  2. لأ...سوبر عبده
    هههههههههههههههه
    الموضوع كان فكرة مطرقعة الله يسامحهم عليها

    ردحذف

فضلا اترك تعليقك أو أكتب طلبك هنا، مع الحفاظ على أدب الحوار، واكتب اسمك من فضلك....