I Read - أنا أقرأ

فكرة مشروع على النت عما نقرأه و ما قراناه فيما قبل اسمه هيكون أنا أقرأ
الفكرة: هي كتابة تعريف مبسط عن نفسك: الاسم و السن و الدراسة و الوظيفة
ثم قائمة بالكتب التي قرأتها في الماضي و التي تقرأها حاليا

الهدف: تخيل انك ناوي تقرا كتاب و عايز تعرف رأي الناس فيه. حلو ولا لأ؟ ممل ولا مسلي؟ و غيره و غيره
ازاي: القوائم اللي انت تكتبها هتكون عامة الكل يقراها، و لما واحد يحب يقرا كتاب يعمل بحث و يشوف مين قرأ الكتاب قبله و يسأله
الشروط: التأكد ألا يتحول المشروع لعمل دعائي سواء بالايجاب (ترشيح الكتاب) أو السلب بالتقليل منه
المشروع كبير وان شاء الله فيه شغل كتير و محتاج شوية مساعدة
المساحة موجودة و الدومين ان شاء الله، مطلوب برمجة البحث عن عنوان كتاب في الموقع، برمجة الفورم اللي هتتملي عشان انشاء قوائم الكتب
و أي أفكار تانية حلوة اكتبوها هنا

Read more - باقي الموضوع

fasting, FIFA - الصيام

الأهرام - 7 أيام رياضة - صفحة 32 - 22/9/2006

هكذا يتعاملون مع كرة القدم في العالم المتحضر: خالد توحيد

خبر صغير جدًا، لم يضعه سوى عدد ضئيل جدًا من المواقع الرياضية العربية على شبكة الأنترنت

تقول التفاصيل أن الفيفا ستقوم بتجربة علمية عملية غير مسبوقة في تونس، لمعرفة تأثير الصيام على أداء لاعبي كرة القدم في الدول الإسلامية، و تقرر اخضاع لاعبي كرة قدم تونسيين لاختبارات و تحاليل دقيقة خلال الفترة من 23 سبتمبر الى 19 اكتوبر، على أن يتم ارسال النتائج الى مقر الاتحاد الدولي بسوسيرا، لمزيد من البحث و الدراسة، على أن يتم خضوع نفس اللاعبين الذين تم اجراء الاختبارات عليهم، لفحوصات نهائية في الفترة من السابع الى التاسع من نوفمبر القادم. و المطلوب هو مقارنة ما كان عليه هؤلاء اللاعبون خلال الصيام، و ما سيكونوا عليه بدون الصيام
كان المفترض أن تكون المبادرة من عندنا، أو على الأقل يكون الاهتمام بهذا الأمر من جانبنا....الخ
رأيي؟؟ - لا تعليق

Read more - باقي الموضوع

Ramadan TV - تلفزيون رمضان

شاهدت من يومين - عن طريق المصادفة - برنامج آلو المذاع على القناة الأولى الساعة 1.30ص
كان سؤال البرنامج الاول - و الذي أغلقت التليفزيون بعده - عن جملة مأثورة شهيرة لممثل معروف
جملة نستعملها في حياتنا اليومية
كان المشهد من فيلم العار - بطولة نور الشريف، حسين فهمي و محمود عبد العزيز

المشهد كان لنور الشريف و هو يسأل تاجر المخدرات عن سبب قلقه
"مال لونك غامق ليه يا...النهاردة؟"
و مطلوب معرفة الكلمة الناقصة، و المتسابقة التي اتصلت أمامها 60 ثانية فقط
المتسابقة حاولت تذكر أو تخمين الإسم، و المذيعة تساعدها. الإسم أوله ف و المتسابقة تردد
"فواني..فننس..فنواتي..فنواني..الخ"
و المذيعة تساعدها
"لو استبدلنا حرف النون بحرف الثاء" الغريب أنها أصرت على ث و ليس س
المهم المتسابقة خمنت أن الاسم (فثواني)..فثواني..يا ما شاء الله
تخيلوا مستوى الإعلام و المتفرجين وصل لحد فين؟
حاجة حلوة خالص
.كنا مرة قاعدين في الشركة بعد الشغل بنتناقش في موضوع
لما الواحد يكلم ناس أقل منه فكريًا او ثقافيًا يكلمهم ازاي؟
أنا كنت - في الأول - شايف أنه ينزل لمستواهم عشان ميبقاش متكبر أو مغرور
لكن شعبان - زميلنا من قسم الترجمة - شايف إن ديه أنانية. و أن المفروض يطلع بيهم لمستواه عشان يبقى أفادهم و لم يبخل عليهم بفكره أو ثقافته، و أن ده دور المثقفين أصلا و هو النهوض بالمستوى الفكري للمجتمع مستغلين كل ما تعلموه من مهارات و أفكار
يعمي الواحد يرتقي بمستواهم الفكري حتى لو من الصفر ، مش بس يكتفو بأنهم يزودو من قائمة الكتب اللي قروها كل يوم، و يبقى فيه تفاعل حقيقي مع كل قضايا المجتمع سياسية أو دينية أو غيرها
و بصراحة أنا اقتنعت لأن كلامه كان مقنع جدا
ييجي شعبان يشوف المستوى اللي إعلامنا بيحاول يوصل الناس ليه
و ربنا يخلي لنا فثواني

Read more - باقي الموضوع

ادعو لي

إن شاء الله أنا ناوي أكلم كلام كتير في 3 موضوعات كبيرة جدًأ

قريـــــــــــــــــــــــــــــبـــــــــــــــــــــــــــــــــــــًأ

أوراق التاروت - كلمات السر و حلها - Search Engine Optimization

ادعو لي بس اني اظبط شوية مشاكل في الكلية و اكتب كويس في يوم ويكيبيديا و انا هظبطكو

أستاذ أحمد من المنصورة، رسايلك وصلتني و ألف شكر على الكلام الحلو

بس كان نفسي تسيب تعليق في الموقع

Read more - باقي الموضوع

يوم ويكيبيديا العربية الثاني - شارك بمعرفتك

استمراراً لفكرة يوم ويكيبيديا العربية الذى بدأ يوم 26 أغسطس، 2006 ولقى بعض النجاح فقد تم الاتفاق على تكرار اليوم فى أخر سبت من كل شهر

ماهذا؟
ويكيبيديا هو مشروع تطوعي يعمل على كتابته والتعديل عليه آلاف المتطوعين حول أنحاء العالم، يهدف المشروع الى جمع المعرفة البشرية في مكان واحد على شكل موسوعة، وفي الوقت الراهن هناك موسوعات في المشروع لـ 229 لغة عالمية. بدأت النسخة الانجليزية من المشروع في 15 يناير 2001، أما العربية فتأخرت لتبدأ في يوليو من عام 2003، منذ ذلك التاريخ الى اليوم قام مئات المتطوعين من متكلمي اللغة العربية بإثراء الموسوعة بمختلف المقالات في مختلف المجالات وقد وصل عدد مقالات النسخة العربية في أغسطس الحالي الى أكثر من 16000 مقالة بالاضافة الى أكثر من 1000 مقالة تصنف على أنها بذرة -أي بحاجة الى تطوير- لكنه مع ذلك تبقى نسبة الأعضاء النشيطين فيها ضئيلة مقارنة بعدد الحسابات المسجلة في الموسوعة. ومن هذا المنطلق تم اقتراح عمل يوم كامل للقيام بنشاط كبير في الموسوعة وهذا اليوم هو السبت 30 سبتمبر 2006. لذا يسعى الأعضاء في ويكيبيديا لجمع أكبر عدد من المتطوعين معهم للمشاركة في هذا اليوم، وتكون المشاركة سواءا باضافة معلومات الى مقالات موجودة مسبقا أو إنشاء مقالات جديدة

متى؟
السبت 30 سبتمبر 2006

أين؟

يعمل كل متطوع من على جهازه الشخصي و ينعقد اجتماع للمشاركين يكون مفتوحا طوال اليوم في غرفة المحادثة الخاصة بويكيبيديا العربية irc://freenode/wikipedia-ar

المزيد؟

ويكيبيديا:يوم ويكيبيديا العربية الثاني

للاستفسارات

http://ar.wikipedia.org/wiki/نقاش_ويكيبيديا:يوم_ويكيبيديا_العربية

ما هي ويكيبيديا

http://ar.wikipedia.org/wiki/ويكيبيديا:الميدان

ملاحظة: في ويكيبيديا لا يلزم التسجيل للقيام بإنشاء وتعديل المقالات، وبإمكان اي احد القيام بذلك، لكن ان اراد المشارك ربط كتاباته باسمه او لقبه فعندها يتوجب عليه التسجيل

مواضيع متعلقة بويكيبيديا هنا

ملاحظات حول الكتابة في ويكيبيديا

Read more - باقي الموضوع

NaNoWriMo - شهر الرواية العالمي

National Novel Writing Month

شهر كتابة الرواية العالمي

مسابقة تبدأ في 1 نوفمبر من كل عام، هدفها كتابة 50.000 كلمة (ما يوازي 175 صفحة) حتى منتصف ليل 30 نوفمبر

الحدث: كما قلنا كتابة رواية من 50000 كلمة في 30 يوم من الصفر

متى: يمكن التسجيل بدءًا من 1 أكتوبر 2006، الكتابة تبدأ في 1 نوفمبر، و لكي تفوز يجب كتابة الـ 50000 كلمة قبل منتصف ليل 30 نوفمبر

الخطوات

واحد: سجل نفسك من هنا بداية من 1 أكتوبر

اثنين: انضم إلى أي من المناطق المتاحة، حتى يتم دخولك للمنتدي المحدد لك و الأحداث المحلية في بلدك

ثلاثة: ابدأ الاعداد للرواية، يمكنك طرح أي سؤال في المنتديات

أربعة: ابدأ الكتابة في منتصف ليل 1 نوفمبر

خمسة: الملف الشخصي بك سيسمح لك بالآتي

رفع الجزء الذي أنجزته من عملك من اجل عد الكلمات و عرض أجزاء من روايتك للآخرين

ستة: لكي يضاف اسمك لقائمة الفائزين، ارسل نسخة نصية من روايتك للموقع لكي يتم عد كلماتها

الأسئلة المتكررة

من سيقرأ روايتي؟

فقط من تريدهم أن يقرأوها، لا أحد بدون إذنك

من يملك الحقوق الفكرية؟

أنت، و لا أحد غيرك. الروايات التي ترسل من أجل العد، يتم مسحها بعد التأكد منها

كم تتكلف المسابقة؟

التسجيل مجاني لكل الأعضاء

متي يمكن التسجيل؟

من 1 أكتوبر حتى 25 نوفمبر

كيف أفوز؟

كل من ينهي روايته قبل الميعاد يصبح فائزًا، و يحصل على شهادة بذلك. لا يوجد أفضل أو أسرع رواية

كيف أكتب؟

لابد من الكتابة على الكمبيوتر من أجل عد الكلمات

ماذا لو كتبت 50000 كلمة و لم أنهي الرواية؟

يمكنك العودة لاستكمالها فيما بعد

ما هي الرواية - كما تروها؟

"عمل خيالي طويل مترابط"

هل هناك كتاب/دليل للمسابقة؟

"No Plot? No Problem!" نعم اسمه

هل يمكن الكتابة بلغة أجنبية؟

نعم - كالعربية مثلاً

هل يجب البدء من الصفر في 1 نوفمبر؟

نعم، لا يمكن البدء من رواية غير مكتملة. من المسموح فقط باستخدام ملاحظات أو خطة عمل مسبقة

هل يمكن كتابة سيناريو؟

انتظر حتى ديسمبر

هل يتقابل المتسابقون؟

نعم في نهاية كل مسابقة، ومن خلال المنتديات يمكنك معرفة من يسكن في منطقتك من المتسابقين

هناك حفل "الحمد لله، خلصت" في 1 سبتمبر لكل المتسابقين

؟NaNoWriMo كيف تنطق

نانوريمو - NAN-no WRY-Mo

ما هو نظام المسابقة؟

هل يوجد مضيف محلي في منطقتك؟ يمكنك الانضمام الى المجموعة التي يستضيفها من أجل رفع روحك المعنوية و مساعدتك

online اذا لا يوجد يمكنك المشاركة عبر الويب

كيف أعد الكلمات بنفسي؟

Tools=>Word Count في برنامج وورد

AnyMini Word Counter برامج أخرى مثل

روابط

عن المسابقة - كيف تسير المسابقة - تاريخ المسابقات القديمة

الأسئلة المعتادة - المنتديات - البريد الاكتروني للأسئلة باللغة الانجليزية

لأي استفسار يمكن مراسلتي

البريد الالكتروني

موبايل: 20103065818

Read more - باقي الموضوع

Ramadan - مبارك عليكم

رمضانيات - كل عام و أنتم بخير

ايه رأيكم بلاش وش النهاردة؟

ديه صور مختارة / رمضانية

و ديه خلفية الكمبيوتر بتاعي

Read more - باقي الموضوع

doctor الدكتور

كنت قلتلكم قبل كده إني رايح أكشف عند الدكتور، والحمد لله رحت لكن بعد عذاااااااااااااااااب

أولاً: الميني باص خد ساعة وربع من الحي السابع للمطرية - قال ايه؟ عشان المدارس

ثانيًا: حتى لما وصلت لقيت ماما اتركنت ساعتين ونص في المستشفى مستنية حضرتي، عشان حبت أنها تتطمن عليا

ثالثًا كنت هتخانق مع الممرضة

ايه النحس ده كله؟؟

معلهش استحملوني

المهم وصلت بالسلامة، ودخلت للدكتور سألني انت بتشتكي من ايه؟

- على فكرة لما دخلت له كان شكله يضحك، عشان مركب بتاعة على راسه، تقريبًا لفحص قاع العين -

المهم قلتله اني بقعد ع الكمبيوتر من 10 لـ 12 ساعة ف اليوم - طبعاً كدب، أنا بقعد من 15 لـ 18 ساعة والله

و إن عيني الشمال ابتدت توجعني من أسبوعين - و بحس انها مرهقة دايما

كان نفسه يقوللي : جاي على نفسك ليه، ما كنت استنيت لما تتعمي

قام عملى قياس نظر - و الحمد لله - لقاه 6 على 6، بالنسبة لى ديه مشكلة لأني كنت 6 على 6 شارب يعني حاد أيام ثانوي - منه لله الكمبيوتر. فقاللي أنت نظرك كويس بس هتعمل نظارة حفظ نظر عشان لما تقعد ع الكمبيوتر

بصراحة انا مش عارف اعمل ايه، انا عمري ما لبست نضارة - ولا حتى شمس - لأنهم مش بيليقوا على وشي

بس شكلي هضطر أعملها إذعانا للوالدة - و مش هلبسها غير ع الكمبيوتر

..................................

الله يسلمكوا يا جماعة :-)

تصبحوا على خير

Read more - باقي الموضوع

ليلى - ذات الرداء الأحمر

http://o26.blogspot.com/2006/08/blog-post_28.html

من الست نعامة

http://www.ikhnaton2.com/whisper/node/268

من إخناتون

Read more - باقي الموضوع

لاب توب لكل طفل

برضه رابط من سردال
http://www.serdal.com/archives/2006/09/17/olpc/

و كفاية النهاردة كده !! معلهش أصل الشغل كان كتير و انا رايح أكشف عند الدكتور

Read more - باقي الموضوع

zzzzzzzz

أنا نايم

تصبحوا على خير

Read more - باقي الموضوع

الرجل الملتحي

في الأفلام و المسلسلات، السينما و المسرح، دائما الرجل الملتحي له الصفات التالية

دائما يظهر الرجل الملتحي على أنه لص وحرامي أو نصاب يضحك على الناس أي أنه يجب أن يظهر على أنه يبتز الناس ليسرق أموالهم

ودائما الملتحي إرهابي، متشدد في أفكاره، وصاحب رأي خاطئ في الدين ولا يفقه شيء في أمور الدنيا

ودائما الملتحي يكره ارتداء البدل و القميص و البنطلون، أي أنهم يظهرون الرجل الملتحي على أنه رجل رجعي ومتخلف في أفكاره ويأتي من عصور ما قبل التاريخ، ويكره التمدن و المدنية ويكره العلم الحديث ويكره الجديد في كل شيء

الملتحي يجب أن يظهر في التليفزيون وهو متزوج من أربعة نساء، ولا مانع من أن يظهر وهو يلعب بذيله على الرغم من أنه متزوج من أربعه

دائما الملتحي يضرب زوجته ويحبس أطفاله ويمنع عنهم رؤية التليفزيون، ويكره الذهاب إلى المتنزهات ويكره أي ترفيه
ودائما الملتحي يكره تعليم البنات

....ولكي يكتمل الفيلم الهندي
يجب أن يأتي لك بالبنت هاتموت على التعليم وتريد دخول الجامعة، لكن بالطبع لا تستطيع إكمال تعليمها نتيجة لأن والدها الملتحي ظالم وجاهل ولا يريدها إكمال تعليمها ، ويريد أن يزوجها من شخص ملتحي ومفتري مثله ، ليحبسها في البيت وترى على يديه كل ألوان العذاب

وكل ذلك بالطبع نتيجة لأن الملتحي فاهم أمور دينه خطأ

.....ويا سبحان الله
في الغالب الرجل أبو دقن راجل فاهم أمور دينه غلط

لكن ياترى، من فاهم أمور الدين بالطريقة الصحيحة في نظر التليفزيون؟

مثلا
يأتي لك بأمر أه لا تجد قوت يومها و غلبانه و مسكينة، ماذا تفعل لتصرف على أولادها؟
طبعا لازم تروح تشتغل في كباريه، ودا من أجل لقمة العيش

ياعيني على قصص الكفاح المشرفة

أو
أمرأه والدها مريض ويحتاج إلى عمليه و العمليه تتكلف الكثير من النقود
ماذا تعمل لتدبر ثمن العمليه؟
تذهب على الفور إلى أي بيت من بيوت الدعارة لكي تكسب الفلوس اللي هاتعمل بها العمليه

أو
واحدة ست على خلاف مع زوجها فتذهب لتمشي مع صديق زوجها أو أي رجل آخر ولا مانع من أن تنام معه في شقته
وعندما يكتشف زوجها ذلك تقول له: أصل أنت طول عمرك مش حاسس بيا

طبعا هؤلاء من يفهمون الدين بالطريقة الصحيحة
ويجب أن يظهر لك أمثال هؤلاء على أنهم مغلوبين على أمرهم وذلك لكي تتعاطف معهم و أنت تشاهد هذا الهبل

لكن الحقيقة أن هذا العبط لن يتغير، وسنستمر على ذلك إلى أن نموت
.... لأنك مهما تكلمت
.... لن يسمعك أحد

وربنا يخلي لنا نادية الجندي –محرره سيناء

منقول من رسالة جاتلي ع الميل - وبصراحة عجبتني

Read more - باقي الموضوع

ملاحظات حول الكتابة في ويكيبيديا

منقول من سردال - تم النقل لتعميم الاستفادة

ملاحظات حول الكتابة في ويكيبيديا

Read more - باقي الموضوع

Lost Love - لاتندم على حب عشته

...لاتندم على حب عشته...حتى ولو صارت ذكرى تؤلمك

فإذا كانت الزهور قد جفت وضاع عبيرها ولم يبقى منها غير الأشواك فلا تنسى انها منحتك عطراً جميلاً أسعدك

لا تكسر ابداً كل الجسور مع من تحب...فربما شاءت الأقدار لكما يوماً لقاء يوماً آخر يعيد مامضى ويصل مانقطع

فإذا كان العمر الجميل قد رحل...فمن يدري ربما انتظرك عمر أجمل

وإذا قررت يوما أن تترك حبيباً فلا تترك له جرحاً...فمن اعطانا قلباً لايستحق ابداً منا ان نغرس فيه سهماً او نترك له لحظه الم تشقيه

وما أجمل أن تبقى بيننا لحظات الزمن الجميل...وإذا فرقت الايام بينكما فلا تتذكر لمن كنت تحب غير كل احساس صادق

ولاتتحدث عنه إلا بكل ماهو رائع ونبيل...فقد اعطاك قلباً...واعطيته عمر

وليس هناك اغلى من القلب والعمر في حياة الانسان

واذا جلست يوماً وحيداً تحاول ان تجمع حولك ظلال ايام جميلة عشتها مع من تحب، اترك بعيداً كل مشاعر الالم والوحشة التي فرقت بينكما...

حاول ان تجمع في دفاتر اوراقك كل الكلمات الجميله التي سمعتها ممن تحب

وكل الكلمات الصادقة التي قلتها لمن تحب

واجعل في ايامك مجموعة من الصور الجميلة لهذا الانسان الذي سكن قلبك يوماً...ملامحه...وبريق عينيه الحزين...وابتسامته في لحظة صفاء...ووحشته في لحظه ضيق...والامل الذي كبر بينكما يوماً...وترعرع حتى وإن كان قد ذبل ومات

إذا سألوك يوماً عن انسان احببته فلا تقل سراً كان بينكما...ولا تحاول ابداً تشويه الصورة الجميلة لهذا الانسان الذي احببته

اجعل من قلبك مخبأ سرياً لكل اسراره وحكاياته فالحب اخلاق قبل ان يكون مشاعر

وإذا شاءت الأقدار واجتمع الشمل يوماً فلا تبدأ بالعتاب والهجاء والشجن وحاول أن تتذكر آخر لحظه حب بينكما لكي تصل الماضي بالحاضر ولا تفتش عن اشياء مضت لان الذي ضاع ...ضاع...والحاضر اهم كثيراً من الماضي

ولحظة اللقاء اجمل بكثير من ذكريات وداع موحش، واذا اجتمع الشمل مرة آخرى...حاول أن تتجنب اخطاء الامس التي فرقت بينكما لأن الأنسان لابد أن يستفيد من تجاربه...ولاتحاول ابداً تصفي حسابات أو تثأر من انسان اعطيته قلبك...لأن تصفية الحسابات عملة رخيصة في سوق المعاملات العاطفية ، والثأر ليس من اخلاق العشاق...ومن الخطا أن تعرض مشاعرك في الاسواق وأن تكون فارساً بلا اخلاق

واذا كان ولا بد من الفراق فلا تترك للصلح باباً الا مضيت فيه اذا اكتشفت ان كل الابواب مغلقة...وأن الرجاء لا أمل فيه...وأن من أحببت يوماً أغلق مفاتيح قلبه...والقاها في سراديب النسيان

هنا فقط اقولك إن كرامتك اهم كثيراً من قلبك الجريح...حتى وإن غطت دماؤه سماء هذا الكون الفسيح

فلن يفيدك أن تنادي حبيباً لايسمعك

وأن تسكن بيتاً لم يعد يعرفك أحد فيه

وأن تعيش على ذكرى انسان فرط فيك بلا سبب

في الحب لا تفرط فيمن يشتريك...ولاتشتري من باعك ...ولاتحزن عليه

رسالة جائتني على الايميل - انتو ايه رأيكم؟

Read more - باقي الموضوع

Sawy Culture Wheel - ساقية الصاوي

فاكرين الساقية اللي كنت بكلمكم عنها؟

هتلاقو اللوجو بتاعهم على الموقع من بره

النهاردة و أنا بتفرج ع النت لقيت ليها صفحة في ويكيبيديا: ساقية الصاوي

المكان هناك فعلا جميل جدًا، و كفاية أنه على الكورنيش - الزمالك

تعريفه: يعتبر أول المراكز الثقافية الخاصة في مصر و أوسعها
انتشارا اليوم و يعد نموذجاً للكيانات الثقافية في عصر ما بعد الثقافة الحكومية.
يقع المركز في جزيرة الزمالك بالقاهرة

عيوب الساقية؟

1- للأسف البريد الاكتروني ولا حد بيرد عليه ولا حد بيعبر الناس اللي بتبعت عليه!! مش عارف ليه؟

2- المكان هناك فوق الممتاز، لكن كل فترة فيه مشاكل بسبب الحفلات اللي بتتعمل هناك، ما هو يا إما يبطلوها و يريحوا دماغهم، يا إما يعرفوا يظبطوها

3- كل أما يبقى فى مسرحية أو حفلة في القاعة الداخلية يقفلوا مكتب الاستقبال كله! عشان ما ينفعش تدخل من غير تذكرة!! و كمان بيبقوا قافلين الكافيه اللي جوه معاه، و المكتبة...طب ازاي يمنعوا دخول الريسيبشن؟

اللي انا بقوله ده مش مجرد عيوب و بس، لكن المكان عاجبني جدا و عشان كده نفسي أنه يبقي فوق الممتاز

هل من مجيب؟

Read more - باقي الموضوع

NO "Muslim vs Christian"

انا أصلاً كنت خلصت تدوين النهاردة لولا الموضوع اللي قريته هنا

يا مسلمين أرحمونا وإستغفروا ربنا من مدونة اخناتون - صديقي اللينكساوي القديم

طبعًا كان لازم أرد وأقول وجهة نظري

.بس لقيت لازم شوية توضيح

أنا عمري ما فرقت بين مسلم ومسيحي، لأني اتربيت كده - و عشان محدش يفهم على مزاجه أنا والدي كان إمام في جوامع كتير - لكن هوه طلعنا كده

و أنا نفسي لما كنت في ثانوي أخدت دروس مع مدرسين مسيحيين و كانوا أحسن 3 مدرسين عرفتهم في حياتي العملية همه و مستر عبدالرحمن طه بتاع الإنجليزي

الاول كان استاذ مجدي وكان عليه التزام بالمواعيد والله عمري ما شوفته - و كان دايما يقول إن التزامه بالمواعيد مع الناس زي التزامه مع ربنا - و عمره ما قصر في وظيفته - بشهادة تلامذته اللي كانوا بياخدوا معانا درس منظرة، وأما لقاهم بيستهبلوا طردهم من الدرس.... اللي عمر ما مدرس عملها - و كان عنده مادة علمية قوية عمره ما استخسرها في حد - طالما احنا عايزين وعندنا استعداد

التاني كان مسيو أمجد سليم بتاع اللغة الفرنسية، وكان شرحه - و كان دايما مهتم بمستوى الطلبة اللي بتاخد معاه

التالت وألذ واحد فيه أستاذ وجيه توفيق مدرس الرياضيات - كانت أعقد مادة في تانية و تالتة - لكنه خلانا نحبها و عمره ما قصر معانا في حاجة، عشان كده لسه لما بشوف حد منهم لازم أقف - احترامًا له - و أسلم عليه

و أستاذ وجيه كان دايما بيهزر ويقول "اللي ميعرفش ييجي في ميعاد الدرس، ييجي يحضر المجموعة بتاعة الكنيسة - بس وهوه داخل يقول ان اسمه مايكل" و كنا كلنا بنضحك

ليه فجأة بقى فيه فرق؟ أنا مش عارف

لكن هأفضل كده - عمري ما أفرق غير بين إنسان حلو وإنسان وحش وبس

Read more - باقي الموضوع

npad, average calc - النوتة و الألة

ديه بقى برامج عبيطة وصغيرة أنا عملتها للتسلية قولت أوريهالكو

أولا : الآلة الحاسبة لحساب المتوسطات

متوسط حسابي أو هندسي لثلاثة أرقام أو أقل

Tab للاستخدام السهل: اكتب أول رقم واضغط زر التنقل

للتنفيذ Enter بعد ما تخلص اضغط

صورة

التحميل

الآلة الحاسبة للمتوسطات - محمد صلاح

ثانيًا : نيجي للنوت باد أو المفكرة أو النوتة أي حاجة

اكتب فيها أي كلام أنت عايزه

يمين Ctrl+Shift ولو بتكتب عربي دوس

جرب تكتب "أنا بحبك" من غير الأقواس

حاجة حلوة مش كده؟ "i love you" أو

صورة

التحميل

مفكرتي - محمد صلاح

Read more - باقي الموضوع

cat photos - صور القطة ;-)

ديه شوية صور ليا كنت متصورها مع قطة، دخلت الانترنت كافيه بتاعنا فقولنا نعشيها ونتصور معاها

طبعا انا وأحمد اتصورنا معاها صور بالهبل - بس دول أحلى حبة

Read more - باقي الموضوع

مذكرات - سواق الميني باص

كما لا يعلم الكثير منكم - أو تقريباً محدش أصلاً - أنني أعمل في شركة في مدينة نصر - الحي السابع
و أنا مروح من الشركة الخميس اللي فات، و زي ما اتعودت طلعت ركبت جمب سواق الميني باص 46

مش عارف ايه اللي بيخليني أختار الكرسي اللي جمب السواق، بس هو بمكن مريح شوية

المهم كالعادة الطريق منيل و الاشارة قفلت علينا مرتين، و كل مرة الناس تقول أكيد في حد مهم معدّي - و بصراحة عندهم حق - الاتجاه المقاطع لينا كان ماشي قشطة أوي.....طبعا الناس عندنا في مصر، أغلبهم اشترى عربيات عشان يزمر بيها - آه والله

!و كله اشتغل كلاكسات ما عدا السواق اللي جمبي

غريبة مش كده، بس هو الراجل كان قرفان من المرور شوية - وده حقه

المهم عدينا من الاشارة على خير هي و كل ما بعدها - و زي كل يوم كانت اشارات زفت

لحد ما وصلنا شارع (أحمد عصمت) و هو ه شارع رئيسي في عين شمس الشرقية و كل الناس - تقريبًا - بتروح منه

أظن خمنتو شكل الشارع ايه؟

الشارع للأسف ضيق و المصيبة أن العربيات فيه بتركن صفين على كل جنب، و يتبقى مكان لعربيتين بس مزنوقين او ميني باص محندق (صغير يعني)، و بصراحة الناس مبتبطلش كلاكسات في الشارع ده. بداعي و بدون داعي حتى لو الطريق فضي شوية

السواق طبع وقف فيه خمسين مرة عشرين بسبب المرور و تلاتين بسبب الركاب

جه الطريق وقف خالص و واحد ورانا مبطلش كلاكسات

فالسواق بصلي و قاللي

"الراجل اللي ورا مش فاهم بيزمر عشان أعمله ايه؟"

قلتله

"ما هم كلهم بيزمروا لبعض أصلا"

رد على

"ما هو أنا لو زمرت أبقى حماار، لا اللي قدامي هو اللي قفل الاشارة ولا هو اللي موقف الطريق"

و سكت شوية و كمل

"و حتي لو هو، المفروض بدل ما أزمره أساعده في حل المشكلة"

ياااااااااااااااااااااااااااه...........يا سلام لو كل السواقين عندنا كده

ساقية الصاوي اللي كنت كلمتكم عنها قبل كده، حطت اعلانات في الزمالك جمب مقرها عنوانها

(جرب القيادة بدون زمارة)

والله يا ريت، جرب يوم واحد متحطش ايدك ع الكلاكس ... امسك نفسك. الشيطان هيوزك و يقولك "يا واد ما كله بيزمر"، استحمل حبة و شوف في آخر اليوم هيبقى شكلك عامل ايه

جرب و مش هتخسر والله

سلام

Read more - باقي الموضوع

i'm outta here - انا فنشت

محدش يسأل ليه؟

... لأني هقولكو طبعا

ف الكام ساعة اللي فاتو أنا عدلت حوالي 40 موضوع - مجموع المناشير .... يوه قصدي المواضيع ع الموقع

آه والله ، بعد التعديلات الجديدة بتاعة موقع بلوجر - اللي مستضيف الموقع بتاعي. ومن الحاجات اللي اتعلمتها و هترجمهالكو ان شاء الله من خدع البلوجر، قلت يا واد ضبط المواضيع اللي قبل كده ... ومن فات قديمه تاه

اللي حصل دخلت عليهم واحد واحد و قصرت المواضيع بحيث متظهرش كاملة غير لما تدخل تقراهل عشان أنا بكره كل المواقع اللي صفحاتها طويلة، و مش معقول أكون واحد منهم

في صفحة الأرشيف و العناوين و الرئيسية المواضيع تبان مختصرة. و ايه هي صفحة العناوين؟ ... ما تتنيل و تصبر شوية، والله كنت لسه هقولها....معلهش يا جماعة، أصلي على أخري

لقيت - أخيرا - موقع بلوجر عمل خاصية العناوين، بحيث وأنا بكتب الموضوع أحدد الحاجات الرئيسية اللي هتكلم فيها، كتصنيف للمواضيع و لما انت تختار أي عنوان تلاقيه وداك لكل العناوين اللي تبع التصنيف ده - حاجة حلوة والله

م الآخر: الموقع بقى على سنجة عشرة

آه بخصوص السؤال البايخ اللي جالي ع الميل - و مش هقدر أنشره هنا

بخصوص كلمة ( بقى واحد من الناس) اللي ع الموقع من فوق ايه؟؟ تقصد ايه؟؟ والله كنت عارف ان محدش شافها غير الظريف ده

هبقى اكتب حكايتها بعدين لأسباب جامدة - نفس الاسباب اللي خلتني لسة مقفلتش موضوع الانتقام

و فعلا انا عدلت مواضيع كتييييييييييييييييييير عشان أشيل منها كلمة خالص

الكلمة ديه أصلا اتعلمتها من شيماء - منها لله - يعني لقيتها أخيرا لأ يا سيدي ديه شيماء تانية غير بتاعة الشعر

أقصد شيماء زميلتي، متعديش 5 دقايق الا أما تقولها مرتين تلاتة

و تصبحوا على خير بقى عشان ألحق أتخمد شوية

Read more - باقي الموضوع

The Forum - المنتدى

بسم الله الرحمن الرحيم
قريباً: انتظروا افتتاح منتدي
RiddleR's Discussion
و جاري حاليًا تدشينه ليكون قيد العمل في أسرع وقت ممكن
المنتدي يمكن استعراضه لكل الناس الحلوة اللي قاعدة ع النت
و يجب عليك التسجيل لإضافة رد أو موضوع
المنتدى يحتوي على كل الحاجات اللي أنا فاهم فيها
برمجة - تصميم - مواقع - نشر مكتبي - ترجمة - برامج - تكنولوجيا المعلومات
كتابة - كتب - أغاني - كليبات - أفلام - ألعاب - دليل شخصي - فنون
و حاجات تانية ليها ناس بتفهم فيها
سياسة - رياضة - صحة - إدارة - تجارة و بورصة
موبايلات - كمبيوترات - أجهزة كهربائية
و سيتم الإعلان عن الافتتاح عند الإنتهاء منه
زورونا تجدوا ما يسركم

تخيل إنك تلاقي إعلان زي ده ع النت و عن منتدي - المفروض - أنه منتدي محترم

عمرك ما هتدخله طبعًا، ده ولا إعلان عم عبده اللي فتح جديد جمب المدرسة الثانوي

إنما طبعا واحد تقني/محترف زيي يحط إعلان زي ده

RiddleR بإذن الله سيتم الإنتهاء من تركيب منتديات

و سيتم الإعلان عنها فور الإنتهاء من المحتوي و التصميمات

المنتدى يضم بين جنباته كل الأقسام التي قد تحتاج إلى دعم أو خبرة من مديري المنتدى

و يتضمن ذلك مجالات حلول الكمبيوتر (البرامج/العتاد) و تكنولوجيا المعلومات

و بإذن الله توجد مكتبة كبيرة للكتب و الوثائق الهامة باستضافة مباشرة من الموقع

و كذلك خدمات كثيرة مجانية من محمد صلاح و فريق العمل

و كذلك حلول إدارة الأعمال و الاستثمار و التسويق

و تقدم خدمات مدفوعة للشركات مثل الترجمة و النشر المكتبي و الإستشارات الفنية

أهي ديه الإعلانات اللي تليق بيا و بخبراتي

عموما أيا كان الإعلان المهم تدخله - كلنا لازم ندخله مهو أصله مش بيت أشباح يعني

Read more - باقي الموضوع

riddler on the web - محمد ع النت

أنا بس عوز أوريكوا لو انا مت او الموقع ده وقع - لا قدر الله - تلاقوني فين تاني

و متنسوش تحاكموا اللي بني الموقع، و ياخد إعدام

معلهش أصله متعقد من بتوع هندسة مدني كلهم

http://planet.lycos.com/3653759437/

http://www.riddler-planet.tk/ او

و ده عقبال عنكو الكوكب بتاعي - لما أسيب الأرض خالص

http://mr.riddler1.googlepages.com/

موقع من جوجل : أنضف موقع. موقع جوجل طبعا

http://www.4shared.com/dir/830877/ae43b26/sharing.html

و ده موقع هاملاه كتب و برامج و حاجات حلوة - و هوه مليان على فكرة

http://del.icio.us/mriddler

http://www.mybookmarks.com/public/riddler

مفضلتي أو البوك مارك بتاعتي

http://www.amazon.com/gp/pdp/profile/A3L23BJCX2A5ZX

ده أنا على موقع أمازون

http://www.soulcast.com/riddler/

riddler.blog.com

Yahoo! 360°

RiddleR on I-stock

مدونات - قلنا قبل كده يعني موقع - بتاعتي

http://riddler.tadwen.net/

باين أوي من الإسم أنها تدوين

http://feeds.feedburner.com/RiddlersArticles

حرام عليكو، ما أنا كاتب ع الصفحة الرئيسية إن ده جديد الموقع أو الفييد

http://mriddler.livejournal.com/

الجورنال بتاعي ... برضه

http://gallery.filefront.com/mriddler/

http://photos.yahoo.com/mohamed_riddler

صور ليا

و أخيرًا

http://mriddler.tripod.com/
http://msalah.atspace.com/
تحت البناء - under construction

Read more - باقي الموضوع

serdal - من سردال

أعتقد أن الإسم أشهر من أن أتكلم عنه ، فقط أردت أن أريكم هذه الروابط
لنتعلم من ساموا - لاتعليق

العالم المصغر - لاتعليق

يا ريت محدش يجيب سيرة اللي حصل هنا امبارح. أوكيه؟

Read more - باقي الموضوع

linux news - خبر لينكس حلو

النهاردة جيت ادخل على موقع لينكس دنيا المعرفة لقيته بيحولني على الصفحة ديه

عذرا!! نأسف لإزعاجكم: الموقع ﻻ يـزال تحت الصيانة والدمج تم تجهيز كل آليات العمل، و تبقى تجهيز بعض الأشياء البسيطة.. أنتظرونا
كن مع العالم من خلال لينوكس والمصادر المفتوحة
الموقع جاري دمجه مع موقع لينوكس دنيا المعرفة وعرب نيكس وآرابيان ليكون أكبر تجمع عربي لمستخدمي اللينوكس
إذا كانت لديك أي إستفسار أو إقتراح حول الدمج ... نتمنى مراسلتنا على البريد التالي: أضغط هنا لمراسلتنا
سنعود في القريب العاجل ... ﻻ تنسوا زيارتنا
مع تحيات لجنة الدمج 10-9-2006

طبعا الخبر يفرح لأن دنيا المعرفة في رأيي من اقوي مواقع اللينكس العربي - كفاية اني كنت مشرف فيه ;-) !! آه و الله حتى بصوا بحث جوجل - و ادي نسخة مخبأة لان الموقع واقف طبعا
و عرب نيكس مدخلتش عليه كتير، و ارابيان طبعا اقوي توزيعة لينكس عربية و من اجمد التوزيعات عالميا
و الصورة برضه حلوة - ربنا يسهل و نشوفه قريب

Read more - باقي الموضوع

i'm bored - زهقت

*حاجة حلوة خالص ان الواحد يكتب مذكراته و بعد كده يترجمها*

.....و الله يا جماعة انا زهقت و جبت جاز كمان

الواحد مبقاش عارف فين الصح و فين الغلط - و مش عايز واحد يطلع يقوللى ان الفرق بينهم واضح

!!ما انا عارف انه واضح لكن المصيبة انك تبقى مقتنع بالغلط

اليومين اللي فاتوا، او السنتين اللي فاتوا عملت حاجة مهببة كتيييير - و خصوصا السنة ديه

و عملت حاجات حلوة بس قليلة جدا

طبعا مش هقول كل الحاجات المنيلة عشان المظهر العام بتاعي

خلينا في الحاجات الحلوة دلوقت

عملت لنفسي موقع - ايه العظمة ديه يا واد - ما أي كلب عنده موقع دلوقتي

لأ، انا اقصد موقع بجد، او ع الاقل انا شايفه كده

انا ياما صممت مواقع لكن عمرها ما خرجت بره الهارد

و ياما اشتركت في مواقع لكن عمري ما حطيت فيها حاجة

المرة ديه عملت موقع و عليه كونتينت يهبل - محتوي يعني

و اظن ان انتوا شفتوا بنفسكوا التظبيط اللي انا عملته، اللي مش متابع يبص هنا و ييجي تاني بسرعة

كتبت بجد و نشرت الغسيل..قصدي الكتابات كمان، و الله انجاز - ان جاز القول ههههييييي

رايق انا مش كده ؟؟

تقدروا تقولوا اني هيّست خلاص من الخنقة..... الاحوال المادية معقولة شوية لكن الاحوال التانية زبالة

عمال اخس - و الله بجد - و شعري بيقع و الدكتور قاللى حالة نفسية

ده كله الا الدكتور ده - رحت لدكتور عشان اشوف مالى ؟ بيغمى عليه و ببقى تعبان على طول - محدش يستظرف

و بعد اما عملت التحاليل، و طلع عيني عشان اوديهاله - مشوار من عين شمس لمصر الجديدة في 6 ساعات مرورا بزهراء مدينة نصر!! - هبقي اقولكو ازاي جت ديه بعدين - الدكتور بص لي و قاللي : "انت صحتك احسن مني" طبعا مسكت نفسي عشان مقولوش خمسة و خميسة في عينك دكتور، "انت شكلك عندك مشكلة نفسية و غالبا عاطفية"

.............هاهاهاهاهاهاهاهاهاها

!!طيب اوي الراجل ده

مشكلة عاطفية ؟؟ انا اللي قعدت ماشي شهرين مع واحدة - مرتين × الاسبوع، و مقولتلهاش كلمتين على بعض غير "الله يرحمه جدها، اكيد كانت بتحبه" هاهاهاهاهاها - اصل كان في واحدة معانا في الدرس جدها مات

المهم الدكتور فقعني طبعا

!!شايف ناس قاعدة بتغمز، حقكوا ما انتو تعرفو اللي محدش يعرفه

لكن انا خلاص نسيت و هكبر دماغي ف يا ريت تشيلوني من دماغكو

بكلم مين؟... و انت مالك انت دول جماعة اصحابي، و بيتهيأ لي حتى مش بيعرفو يقروا

النهاردة انا نزلت حاجات جامدة من النت - طبعا و انت وراك غيره؟

و ظبطت حاجات في الشغل، على فكرة انا شغال في شركة اسمها ايه أى اس في مدينة نصر

و من الحاجات اللي انا قريتها هكتبلكو موضوع يجنن محدش كتب عنه قبل كده

و اتأكدت بنفسي - يعني هيبقى سبق تدويني

مستغربين ليه ؟ ما هو الموقع اللي انتوا بتقروه ده اسمه مدونة او بلوج

يا ريت يا جماعة اي حد يسيب اي تعليق عشان محسش اني بكلم نفسي

!!و يا ريتها بتسمع

Read more - باقي الموضوع

Bookmark - Favorites - المفضلة

*NoTe: This list is Up2Date*
*ملحوظة: هذه القائمة تحدث دوريًا*

not just another bookmark, it includes the internet !
هذه ليست مجرد قائمة بمواقعي المفضلة، وإنما بها ستجد كل ما يمكن أن تحتاجه

http://www.riddler.co.nr

this should be your HomePage
ده لازم يبقي الصفحة الرئيسية بتاعتك

http://www.archive.org/web/web.php

The Wayback Machine - how the internet looked like?
موقع يعرفك الأشكال القديمة لمواقع النت من أول جوجل لحد الموقع بتاعك

http://www.google.com/press/zeitgeist.html

what people googles?
الناس بتدور على ايه في موقع جوجل

http://www.freedomain.co.nr

shortcut to your long website name. no banners, no pop-up's
لو عندك موقع اسمه طويييييييييييل، الموقع ده بيختصره بدون اعلانات او بانر دعاية

http://www.c4arab.com/

http://www.montada.com/

http://www.arabteam2000-forum.com/index.php?
http://www.hiarab.net/

موقع تعليمي بحت: كتب - دروس - مقالات - حل مشاكل - استشارات

http://www.MasterHR.com/

seek your jop, employees right now
دور على شغل أو على موظفين لشركتك

http://ar.wikipedia.org/

الموسوعة الحرة - أكبر موسوعة على النت - و كمان عربي - و كمان مجانية - بدون تسجيل

http://en.wikipedia.org/

the biggest encyclopedia that ever existed - free - no registeration

http://members.driverguide.com/

register & log-in to download any driver you need for all OS's
سجل نفسك و ادخل لتتمكن من تحميل أي تعريف تحتاجه لأي نظام تشغيل

http://www.gr8.cc/

need to upload a little file, permenant & direct link? here you go
محتاج ترفع ملف صغير ع النت، وعايز اللينك دايمة و مباشرة؟ اتفضل

http://www.google.com/intl/ar/options/

Google Services - خدمات جوجل
google gives you a bunch of unbelievable freeeee services, just atart with a Gmail invitation and you're in - to get an invite comment any post here and leave a notice "i need gmail invitation"
Calendar, WebPage +100MB, Spreadsheets (like Excel), Groubs, Personalized Search, Alerts, Codes, Labs (big ones), Chat, Transaltion, Google Pack (really huge)
موقع جوجل بيقدم شوية خدمات مجانية محصلتش، عشان تدخل أي واحدة فيها ابتدي مع الجي ميل. لو عايز دعوة للميل، علق على أي موضوع و سيب ملاحظة "أريد دعوة للجي-ميل". نتيجة، موقع (100م ب)، ورق عمل(زي الإكسيل)، المجموعات البريدية، البحث المخصص، تنبيهات، أكواد، المعامل (جامدة موت)، المحادثة/الشات، ترجمة، برامج من جوجل

Books - كتب
Electronic Text Center - requires microsoft reader for *.lit books

http://www.microsoft.com/reader/downloads/pc.asp
http://etext.lib.virginia.edu/ebooks/

Food for Thought
http://www.comms.scitech.susx.ac.uk/fft/

The National Academies Press
http://www.nap.edu/

مكتبة المصطفى
http://www.al-mostafa.info/books/htm/list.htm

الوراق الإسلامية والتراثية
http://www.alwaraq.net/

مكتبة مشكاة الاسلامية
http://www.almeshkat.net/books/

كتابى الإلكترونى والمطبوع - مكتبة الإسكندرية - requires DjVu Browser - www.djvu.com/download/
http://archive.bibalex.org/mybook/browse.php?

Free E-Books.net
http://www.free-ebooks.net/

كتب عربية
http://www.kotobarabia.com/

Time & Date - الوقت والتاريخ
http://www.timeanddate.com/worldclock/results.html?query=cairo

replace final term "cairo" with your city or search it yourself
استبدل اخر كلمة باسم مدينتك أو ابحث في الموقع بنفسك

بوابة معلومات مصر - Egypt's Information Gate

http://www.idsc.gov.eg/index.asp

Read more - باقي الموضوع

My Blog - المدونة

ده الموقع بتاعي (المدونة) من أول ما استلمتها لحد النهاردة، حبيت أوريكو الفرق و التعديلات اللي عملتها في الموقع

التحرير كان كله في القالب الجاهز template

!دخلت و عملت كل حاجة ممكن تتعمل - شوفو الفرق

الموقع قبل التعديل من هنا

الموقع بعد التظبيط من هنا

هتسألوا و ايه الفرق ؟
أول حاجة عملتها كانت تعريب القوالب بتاعة الموقع عشان حبايبنا الحلوين
بعد كده ظبطت العمود الجانبي بتاع الموقع، كان شكله معفن أوي من فوق
زودت حاجات زي دعوات الجي ميل و الكتب بتاعتي، و الشات بوكس و الأجندة
و المواضيع المتميزة، وغيرت منظر الأرشيف عشان كان واخد مساحة جامدة أوي. و حطيت فييد للموقع
عشان الاللي عايز يعرف الجديد من الآخر- و اللي خلاني أختار موقع الخلاصات ده أني لقيت سردال بيستخدمه
حطيت لوجو لساقية الصاوي، لأنه مكان يستاهل يتعرف و يتدخل - آه والله
و الجامد بقه أني عملت بحث جوه الموقع بتاعي، و كتر ألف خيرهم (لاري بيدج وسيرجي برين) عشان هما اللي عملوا موقع جوجل أصلاً
.......... امممممممممممم
عملت ايه تاني يا واد يا محمد ؟؟؟
آه فيه حاجة مش هتظهر في الصورة، بس أنا عدلت البروفايل بتاعي و عنوان الموقع
خليت المواضيع تظهر صغننة عشان الصفحات متبقاش طويلة، واللي عايز يقرا حاجة يروحلها
و دلوقتي ممكن تبعت الموضوع اللي عاجبك لأي حد ع الايميل
و بيتهيأ لي كده كفاية أوي

لأ...استنوا
الجماعة اللي بيحبوا الانجليزي أوي ممكن يقرأوا السايت بتاعي مترجم للإنجليش من جوجل ترانسلاتور

!!يللا تصبحوا على خير، الساعة الآن 9.37م - يا لهوي

Read more - باقي الموضوع

The Dumbest

A young boy enters a barber shop and the barber whispers to his customer, "This is the dumbest kid in the world. Watch while I prove it to you."

The barber puts a dollar bill in one hand and two quarters in the other, then calls the boy over and asks, "Which do you want, son?" The boy takes the quarters and leaves.

"What did I tell you?" said the barber.
"That kid never learns!"

Later, when the customer leaves, he sees the same young boy coming out of the ice cream store. "Hey, son! May I ask you a question? Why did you take the quarters instead of the dollar bill?"

The boy licked his cone and replied, "Because the day I take the dollar, the game's over!"
Read more - باقي الموضوع

فراشة

1- فراشة
فراشة هي، تسير كأنما تطير، و تراها بين زملائها فتحسب أن لها جناحان يحملاها بعيدًا عن متناول أى شخص. اسمها (هالة)، حولها هالة لا تخفى عن الناظرين. عندما تراها لا تملك إلا أن تعجب بها، و تحلم بها، لأنك تعرف إن هذا الكائن الرقيق لا يمكن أن يلتفت إلى البشر
(هالة) طالبة في السنة الرابعة بكلية الألسن، رقيقة كالحلم و هادئة كالملائكة، لا تكاد تسمع لها صوتًا، و لا تلفت الأنظار إليها لولا جمالها الهادئ الذي يسحر كل من ينظر لها، تخلب الألباب، و لا يمكنك إلا التطلع إليها، و تشعر كأنما هي فوق جبال الأوليمب، الكل يراها و الكل لا يملك أن يفعل لها شيئًا. و منذ زمن اكتفى زملائها بالنظر إليها فقط، فقد عرفوا منذ زمن ان هذا الملاك لا ينتمي لعالم البشر. انها فراشة !

*****

كان الطلبة يأتون تباعًا ليملأون المدرج الصغير حيث اقترب ميعاد الدكتورة التى تدرس لهم مادة الشعر. الكل يتوقع شرًا فهذه السنة الأخيرة لهم و حتى الآن لم يصطدموا بأى من الاساتذة و لعمرى هذا شئ عجيب!
لابد من دكتور يقرر معاقبة الدفعة كلها بامتحان لا يضعون فيه قلمًا – على حد تعبير أعضاء هيئة التدريس الذين يسمعون عنهم فى كليات أخرى
باقى دقيقة و تدخل الدكتورة التى صعدت السلم لتوها، و بالطبع لابد من بضع الحمقى الذين يأتون دائمًا متأخرين. هم حمقى لانهم متاخرين بدون سبب، أو حمقى لأنهم اعتقدوا ان أسباب مثل ازدحام الطريق أو تعطل المواصلات من الممكن أن تجعلها تغفر لهم. دعك من الحمقى الذين لا يفقهون شيئًا مما تقوله فى المحاضرة و لكنهم يرضون ضمائرهم بالحضور و الاستماع اليها و أحيانًا – و ياللمصيبة – النوم على صوتها و هى تشرح المقرر.
دلفت الدكتورة إلى المدرج و لم تنس أن تغلق الباب خلفها بقوة حتى يصدم ذلك الاحمق الذى كان يلهث خلفها منذ ثانيتين، ظنًا منه – الأحمق – أن كونه جاء فى الميعاد تمامًا يكفيه ليتشرف بحضور مادتها.

*****

تجلس وحدها بعد المحاضرة فليس لها من أصدقاء ٍ كثر، و أغلب أصدقاءها هم زملاء المرحلة الثانوية و الذين دخلوا كليات أخرى. يتقابلون بعد المحاضرات فى الحرم الجامعى. يحسدهم الكثيرون، فهم استطاعوا الاقتراب من هذا الكائن الرقيق دون ان يخشوا شيئًا

أعدكم أن أكتب في هذه القصة كلما سنحت الفرصة حتى أنتهي منها فأنشرها كاملة

Read more - باقي الموضوع

A Dream

in my dreams

God is talking to me

in my dreams

i went down on my knees

in my dreams

i'm begging you please

let my soul rest in peace

Here are the original words
www.lyricsdownload.com/nana-dreams-lyrics.html
Read more - باقي الموضوع

little google hacks

لاستخدام وظيفة الحاسبة المضمنة في جوجل؛ ببساطة اكتب العملية الحسابية التي تريد إجراءها في صندوق البحث، ثم انقر فوق مفتاح إنتر (إدخال) في لوحة المفاتيح أو انقر فوق زر "بحث جوجل". تستطيع الحاسبة حل المشكلات الرياضية التي تتضمن العمليات الحسابية الأساسية والعمليات الرياضية الأكثر تعقيدًا ووحدات القياس والتحويلات والثوابت الفيزيائية.

How to use the Google calculator

http://www.google.com.eg/intl/ar/help/calculator.html

التعريفات
define للعثور على تعريف لكلمة أو عبارة؛ ببساطة اكتب كلمة
ثم ضع مسافة، ثم اكتب الكلمة أو العبارة التي تبحث عن تعريفها باللغة الأنجليزية
ex: مثال
define:google

Read more - باقي الموضوع

Useful Tools - أدوات مفيدة

code for location finder by given IP
معرفة مكان أي رقم أي بي
اكتب أرقام الأي بي اللي انت عايزها و افصل بينها بمسافة واحدة
SEARCH اضغط

Free OnLine Translation
ترجمة فورية مجانية

ArabicAlbanianArmenianAzeriBengaliBosnianBulgarianChinese-SimplifiedChinese-TraditionalCroatianCzechDanishDutchEnglishEstonianFinnishFrenchGermanGreekHebrewHindiHungarianIndonesianItalianJapaneseKoreanLatinLatvianLithuanianNorwegianPersian(Farsi)PolishPortugueseRomanianRussianSerbianSlovakSlovenianSpanishSwedishTagalog(Philippines)ThaiTurkishUkrainianVietnameseYiddishMultiLanguage Direction: Into English From English

Read more - باقي الموضوع

كلمات من نور - Golden Words

﴾ يَا أَيُّهَا الَّذِينَ آَمَنُوا لِمَ تَقُولُونَ مَا لا تَفْعَلُونَ ﴿
سورة الصف - 2

Practice what you preach .

لا تنه عن خلق و تأتي مثله عار عليك إذا فعلت عظيم


﴾ إِنَّ الَّذِينَ سَبَقَتْ لَهُمْ مِنَّا الْحُسْنَى أُوْلَئِكَ عَنْهَا مُبْعَدُونَ (101) لا يَسْمَعُونَ حَسِيسَهَا وَهُمْ فِي مَا اشْتَهَتْ أَنفُسُهُمْ خَالِدُونَ (102) لا يَحْزُنُهُمْ الْفَزَعُ الأَكْبَرُ وَتَتَلَقَّاهُمْ الْمَلائِكَةُ هَذَا يَوْمُكُمْ الَّذِي كُنتُمْ تُوعَدُونَ ﴿
الأنبياء - 103:101

Read more - باقي الموضوع

WORDS - كلمات

if freedom is outlawed, only outlaws will have freedom.

wars come and go but my soldiers stay eternal
2PAC

"سر الزواج الناجح لا يزال سراً " :-)
أنيس منصور


;-) لكل جواد كبؤه ولكل عالم هفؤه ولكل صايع صفعه

Need any answers :
How soon is now ?
How far is forever ?
How much is too mush?
RiddleR

الانسان سجين نفسه
لماذا الدنيا تأخذ منا بلا رحمة ؟
ما جدوي كلمات عاجزة اذا كان كل ما حولنا اقوى مننا ؟

Q) what do u think about UFO's ?
A) i believe there's something there watching us...
unfortunately it's the government !!

Read more - باقي الموضوع

طرائف ونوادر

امرأتان
تزوج رجل بامراتين احداهما اسمها حانه والثانيه اسمها مانه وكانت حانه صغيرة
فى السن عمرها لايتجاوز العشرين بخلاف مانه التى كان يزيد عمرها على
الخمسين والشيب لعب براسها فكان كلما دخل الى حجرة حانة تنظر الى لحيته وتنزع
كل شعره بيضاء وتقول يصعب علي عندما اري الشعر الشائب بهذه اللحيه
الجميله وانت مازلت شابا فيذهب الرجل الى حجرة مانه فتمسك لحيته هى الاخرى
وتنزع الشعر الاسود وهى تقول له يكدرني ان اري شعر اسود بلحيتك
وانت رجل كبير السن جيل القدر ودام حال الرجل على هذا المنوال الى ان نظر فى
المراة يوما فراى بها نقصا عضيما فمسك لحيته بعنف وقال بين حانه ومانه
ضاعت لحانا ومن وقتها صارت مثلا

الطفيلى
نظر طفيلى الى قوم سائرين فظن انهم ذاهبون الى وليمه فتبعهم فاذا هم شعراء
قصدوا الامير بمدائح فلما انشد كل واحد قصيدته في حضرة الامير لم يبق الا
الطفيلى فقال الامير انشد شعرك قال لست بشاعر قال الامير فمن انت
قال الطفيلى من الغاوين الذى قال الله فيهم ( والشعراء يتبعهم الغاون ) فضحك
الامير وامر له بجائزة

شعرة اعربي
حضر اعربي سفرة هشام بن عبدالملك فبينما هو ياكل اذ تعلقت شعرة فى لقمه
الاعرابى فقال له هشام عندك شعرة فى لقمتك ياعرابي فقال وانك لتلاحظني ملاحظة
من يرى الشعرة فى لقمتى والله لااكلت عندك ابد وخرج وهو يقول
وللموت خير من زيارة باخل يلاحظ اضراف الاكيل على محمد

Read more - باقي الموضوع

أين ؟؟

أين صدرك الدافي يا امي أين كل الأمنيات

أأه يا امى إشتقت إلى حضنك وبعض القبلات

... أه يا وجع أعتصر بطني

.أبحث فى الثرى عن بعض اللقيمات

أه يا قَدري لقد كسرت قٍدري

وأضعت بيتي فما بقى لي غير الذكريات

إلى متى سأظل تائه تلفظني الطرقات

إلى متى سأظل وحيدا أبكي وتخاصمني الدمعات

والقلب من القهر يدمي يخشى مما هو أت

إلى متى يقتلنى الخوف وتكفننى الظلمات

متى تأتى أمى من خلف الربى تناديني وتملأ الكون ابتسامات

احبك يا امي تعالي فقد مات القلب من آهات

تعالي لألهو بين الزهور كالفراشات

تعالي فقد اشتقت لبيتي اشتقت لسريري والوسادات

اشتقت لأبي ليحميني ويداعبني ويحكيلي الروايات

أترى يأتي هذا اليوم قبل الممات

--------------------------------------

الإمضاء: شيماء - التي لا أعرفها

*****************************

!والنبي يا جماعة، لو حد يعرف مين شيماء الي كتبت الشعر ده يقوللي

بجد أنا معرفهاش والله

Read more - باقي الموضوع